Tirumala : గురువారం తిరుమలలో భక్తుల రద్దీ ఎలా ఉందంటే?

తిరుమలలో నేటితో వార్షిక బ్రహ్మోత్సవాలు ముగియనున్నాయి. ఈరోజు కూడా సహస్ర దీపాలంకరణ, అంగ ప్రదిక్షిణలను తిరుమల తిరుపతి దేవస్థానం అధికారులు రద్దు చేశారు. భక్తులు నేడు సులువుగా స్వామి వారిని దర్శించుకుంటుండటంతో పాటు ఎక్కువ సేపు స్వామిని చూసే అవకాశం కలిగింది. ఈరోజు మధ్యాహ్నానికి భక్తుల రద్దీ మరింత పెరిగే అవకాశముందని భావిస్తున్నారు. అన్నదాన ప్రసాదం వద్ద కూడా పెద్దగా రష్ లేదు. అలాగే లడ్డూల కౌంటర్ వద్ద కూడా భక్తుల తాకిడి అంతగా కనిపించడం లేదు.

ఈరోజు తిరుమలలోని వైకుంఠం క్యూ కాంప్లెక్స్ లోని ఎనిమిది కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు మూడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం రెండు గంటల్లో పూర్తవుతుంది. నిన్న తిరుమల శ్రీవారిని 68,509 మంది భక్తులు దర్శించుకున్నారు. వీరిలో 23,105 మంది భక్తులు తమ తలనీలాలను సమర్పించి మొక్కులు సమర్పించుకున్నారు. నిన్న తిరుమల శ్రీవారి హుండీ ఆదాయం 3.86 కోట్ల రూపాయలు వచ్చిందని అధికారులు తెలిపారు.