Mon Nov 25 2024 06:47:35 GMT+0000 (Coordinated Universal Time)
తిరుమలలో పెరిగిన భక్తుల రద్దీ
తిరుమలలో భక్తుల రద్దీ మళ్లీ పెరిగింది.15 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు
తిరుమలలో భక్తుల రద్దీ మళ్లీ పెరిగింది. వైకుఠం క్యూ కాంప్లెక్స్ లోని 15 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. వీరందరికీ శ్రీవారి దర్శనానికి 12 గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. రూ.300లు ప్రత్యేక దర్శనం టిక్కెట్లు కొనుగోలు చేసిన వారికి రెండు గంటల నుంచి మూడు గంటల సమయం పడుతుందని చెప్పారు.
తొలిసారి హుండీ ఆదాయం...
నిన్న తిరుమల శ్రీవారిని 63,332 మంది భక్తులు దర్శించుకున్నారు. 26,656 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 2.86 కోట్ల రూపాయలు వచ్చిందని తిరుమల తిరుపతి దేవస్థానం అధికారులు వెల్లడించారు. ఇటీవల కాలంలో హుండీ ఆదాయం అతి తక్కువగా వచ్చింది నిన్ననే కావడం విశేషం. ప్రతి రోజూ నాలుగు కోట్లకు పైగానే హుండీ ఆదాయం లభించేది. తొలిసారి ఆదాయం మూడు కోట్లకు దిగువకు చేరింది.
Next Story
