Tiruamala : వెయిటింగ్ ఎంత సేపు అంటే .. నేడు తిరుమల శ్రీవారి దర్శనానికి?

మరోవైపు త్వరలో తుపాను ఉందన్న హెచ్చరికలు ఉండటంతో రైళ్లు, బస్సులు రద్దవుతాయేమోనని భావించి ముందుగా బుక్ చేసుకున్న వారు తిరుమలకు చేరుకుంటున్నారని అధికారులు తెలిపారు. వసతి గృహాల వద్ద కూడా వెయిటింగ్ ఎక్కువ సేపు ఉండాల్సి వస్తుంది. అలాగే తిరుమలలో వీధులన్నీ భక్తులతో కిటకిటలాడిపోతున్నాయి. ఈరోజు తిరుమలలోని వైకుంఠం క్యూ కాంప్లెక్స్ లోని పదిహేను కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి టోకెన్లు లేకుండా ప్రవేశించే భక్తులకు శ్రీవారి దర్శనం పది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు మూడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు మూడు నుంచి నాలుగు గంటలు శ్రీవారి దర్శన సమయం పడుతుందని అధికారులు తెలిపారు. నిన్న తిరుమల శ్రీవారిని 75,147 మంది భక్తులు దర్శించుకున్నారు. వీరిలో 28,096 మంది భక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 3.16 కోట్ల రూపాయలు వచ్చిందని అధికారులు వెల్లడించారు.