Tirumala : తిరుమలలో భక్తుల రద్దీ ఏమాత్రం తగ్గలేదుగా?
తిరుమలలో భక్తుల రద్దీ ఈరోజు కూడా కొనసాగుతుంది. ఆదివారం కావడంతో భక్తులు అధిక సంఖ్యలో ఉన్నారు
తిరుమలలో భక్తుల రద్దీ ఈరోజు కూడా కొనసాగుతుంది. ఆదివారం కావడంతో భక్తులు అధిక సంఖ్యలో ఉన్నారు. దీంతో తిరుమల క్యూ లైన్ చాలా పొడవుగా ఉంది. దీంతో శ్రీవారి సేవకులు క్యూ లైన్ లో ఉన్న భక్తులకు తాగునీరు, మజ్జిగ, అన్న ప్రసాదాలను పంపిణీ చేస్తున్నారు. గంటల తరబడి క్యూ లో గోవిందుడి దర్శనం కోసం నిరీక్షించాల్సిన పరిస్థితి ఏర్పడింది. ధనుర్మాసం వెంకటేశ్వర స్వామికి ఇష్టమైన నెల కావడంతో ఈ నెలంతా అధిక సంఖ్యలో భక్తులు తిరుమలకు చేరుకుంటున్నారు. వరస సెలవులు కూడా రద్దీ పెరగడానికి కారణమని తెలపాలి. భక్తులు అధిక సంఖ్యలో రావడంతో అందుకు తగినట్లుగా టీటీడీ అధికారులు తగిన ఏర్పాట్లు చేశారు. భక్తులు ఎలాంటి ఇబ్బందులు పడకుండా చర్యలు తీసుకుంటున్నారు. ఏడాది చివర కావడంతో భక్తుల రద్దీ ఎక్కువగా ఉందని అధికారులు తెలిపారు. అదే సమయంలో వచ్చే నెలలో కూడా వైకుంఠ ఏకాదశి ఉండటంతో రష్ మరింత పెరగనుంది. ఇప్పటికే టిక్కెట్లన్నీ ముందుగానే బుక్ అయిపోవడంతో తిరుమల భక్తులతో కిటకిటలాడే అవకాశముంది. ఇతర దేశాల నుంచి కూడా ఎక్కువ మంది భక్తులు తరలి వస్తున్నారని అధికారులు చెబుతున్నారు. ఎన్ఆర్ఐల తాకిడి ఎక్కువగా ఉందని అంటున్నారు.
ఇప్పుడు Desh Telugu Keyboard యాప్ సహాయంతో మీ ప్రియమైన వారికి తెలుగులో సులభంగా మెసేజ్ చెయ్యండి. Desh Telugu Keyboard and Download The App Now
