ముందస్తు ఆలోచనే లేదు.. సజ్జల స్పష్టీకరణ

తాము ప్రజలను మభ్యపెట్టడం లేదని, అనుకున్న సమయానికే ఎన్నికలు జరుగుతాయని సజ్జల రామకృష్ణా రెడ్డి చెప్పారు. చంద్రబాబు తన ఉనికిని కాపాడుకునేందుకు ముందస్తు రాగం తీస్తున్నారని అన్నారు. ప్రజలు తమకు ఐదేళ్లు అవకాశం ఇచ్చారని, ముందుగా ఎన్నికలకు ఎందుకు వెళతామని ఆయన ప్రశ్నించారు. త్వరలోనే మంత్రి వర్గ విస్తరణ ఉంటుందని సజ్జల తెలిపారు. కేబినెట్ నుంచి బయటకు వచ్చే వారి సేవలను పార్టీకి వినియోగించుకుంటామని చెప్పారు. జగన్ రెండున్నరేళ్ల తర్వాత మంత్రి వర్గ విస్తరణ ఉంటుందని ఎప్పుడో చెప్పారని సజ్జల రామకృష్ణా రెడ్డి గుర్తు చేశారు.