Ys Jagan : నేటి నుంచి జగనన్న ఆరోగ్య సురక్ష

ఈ శిబిరాల ద్వారా గ్రామాలకు వైద్య బృందాలు వెళ్లి వైద్యసేవలను అందించనున్నారు. మొత్తం అరవై లక్షల మందికి వైద్య సేవలను అందించాలని ప్రభుత్వం నిర్ణయించింది. ఇప్పటికే వాలంటీర్లు ప్రతి ఇంటికి వెళ్లి ఆరో్గ్య శిబిరాలకు రావాలని సూచిస్తున్నారు. ఈ వైద్య శిబిరంలో మొత్తం ఏడు రకాల మెడికల్ కిట్లను అందుబాటులో ఉంచనున్నారు. వైద్య పరీక్షలు నిర్వహించి వారు ఎదుర్కొంటున్న ఆరోగ్య సమస్యలకు పరిష్కారాన్ని అక్కడికక్కడే సూచించనున్నారు. ముఖ్యమంత్రి జగన్ ఈ కార్కక్రమాన్ని ప్రతిష్టాత్మకంగా తీసుకోవడంతో పాటు ఎప్పటికప్పుడు కార్యక్రమం అమలు తీరుపై సమీక్షలు నిర్వహిస్తుండటంతో వైద్యులు గ్రామాలకు బయలుదేరి వెళ్లారు.