Sat Nov 30 2024 12:33:21 GMT+0000 (Coordinated Universal Time)
టీడీపీ సీనియర్ నేత కన్నుమూత
పార్టీ సీనియర్ నేత, మాజీ మంత్రి యడ్లపాటి వెంకట్రావు మరణించారు. టీడీపీలో ఆయన సీనియర్ నేతగా కొనసాగుతున్నారు.
తెలుగుదేశం పార్టీ ఒక సీనియర్ నేతను కోల్పోయింది. పార్టీ సీనియర్ నేత, మాజీ మంత్రి యడ్లపాటి వెంకట్రావు మరణించారు. టీడీపీలో ఆయన సీనియర్ నేతగా కొనసాగుతున్నారు. ఎన్టీఆర్ పార్టీ పెట్టిన తర్వాత తెలుగుదేశం పార్టీలో చేరిన యడ్లపాటి వెంకట్రావు వేమూరు నుంచి ఎమ్మెల్యేగా గెలుపొందారు. 1967లో ఆయన తొలిసారి ఎమ్మెల్యేగా గెలిచారు.
మంత్రిగా, ఎంపీగా.....
1978లో కాంగ్రెస్ లో చేరిన యడ్లపాటి వెంకట్రావు చెన్నారెడ్డి మంత్రి వర్గంలో వ్యవసాయ శాఖ మంత్రిగా పనిచేశారు. ఆ తర్వాత ఎన్టీఆర్ స్థాపించిన టీడీపీలో చేరారు. తర్వాత 1998లో రాజ్యసభ సభ్యుడిగా ఎన్నికయ్యారు. అయితే గత రెండు దశాబ్దాలుగా రాజకీయాలకు దూరంగా ఉంటున్నారు. యడ్లపాటి వెంకట్రావు మృతిపట్ల టీడీపీ అధినేత చంద్రబాబు, పార్టీ జాతీయ ప్రధాన కార్యదర్శి నారా లోకేష్ సంతాపం ప్రకటించారు.
Next Story
