Fri Nov 22 2024 08:35:42 GMT+0000 (Coordinated Universal Time)
రద్దీ కొంచెం తగ్గింది.. కానీ
స్వామివారిని దర్శించుకునేందుకు వచ్చిన భక్తులతో 14 కంపార్టుమెంట్లు ఫుల్ అయ్యాయి. నేడు శ్రీవారి సర్వదర్శనానికి..
కోరిన కోర్కెలు తీర్చే, కొంగుబంగారంగా కొలిచే శ్రీనివాసుడిని దర్శించుకునేందుకు తిరుమలకు భక్తులు తరలివస్తున్నారు. గత రెండ్రోజులకంటే.. గురువారం భక్తుల రద్దీ కాస్త తగ్గింది. నేడు తిరుమలలో భక్తుల రద్దీ స్వల్పంగా తగ్గింది. స్వామివారిని దర్శించుకునేందుకు వచ్చిన భక్తులతో 14 కంపార్టుమెంట్లు ఫుల్ అయ్యాయి. నేడు శ్రీవారి సర్వదర్శనానికి 12 గంటల సమయం పడుతుందని తిరుమల తిరుపతి దేవస్థానం వెల్లడించింది.
ఇక బుధవారం (మే31) 80,284 మంది భక్తులు స్వామివారిని దర్శించుకుని మొక్కులు చెల్లించుకున్నట్లు తెలిపింది. వీరిలో 34,096 మంది భక్తులు శ్రీవారికి తలనీలాల మొక్కులు చెల్లించుకున్నారు. భక్తులు సమర్పించిన కానుకల ద్వారా నిన్న శ్రీవారి హుండీ ఆదాయం రూ.3.71 కోట్లు వచ్చినట్లు టీటీడీ పేర్కొంది. భక్తుల రద్దీ దృష్ట్యా అన్నపానీయాలకు లోటు లేకుండా టీటీడీ చర్యలు తీసుకుంటోంది. తిరుమల గిరులపై ఎక్కడికక్కడ త్రాగునీరు, అన్నప్రసాద వితరణ కేంద్రాలను ఏర్పాటు చేసింది.
Next Story
