Ap Elections : పోలీసులు కొన్ని చోట్ల నిర్లక్ష్యంగా వ్యవహరించారు.. చూస్తూ ఉండటం వల్లనే హింసాత్మక ఘటనలు

ఆంధ్రప్రదేశ్ లో ఎన్నికల అనంతరం జరిగిన హింసాత్మక ఘటనలపై ప్రత్యేక దర్యాప్తు బృందం డీజీపీకి నివేదిక అందించింది. 150పేజీలతో కూడిన నివేదికను సిట్ అందచేసింది. అయితే పల్నాడు, తిరుపతి, అనంతపురం జిల్లాల్లో 33 హింసాత్మక ఘటనలు జరిగినట్లు తెలిపింది. ఇందులో పల్నాడు జిల్లాలోని మూడు అసెంబ్లీ నియోజకవర్గాల్లో 22 కేసులు, అనంతపురం జిల్లా తాడిపత్రి నియోజకవర్గంలో ఏడు కేసులు, తిరుపతి జిల్లాలోని రెండు అసెంబ్లీ స్థానాల్లో నాలుగు కేసులు నమోదయినట్లు సిట్ తన నివేదికలో తెలిపింది. 33 కేసుల్లో 1,370 మందిని నిందితులుగా చేర్చినట్లు పేర్కొంది. ఇప్పటి వరకూ ఈ కేసులకు సంబంధించి 124 మందిని అరెస్ట్ చేశారని, మిగిలిన వారిని అరెస్ట్ చేయాల్సి ఉందని తెలిపింది. దర్యాప్తులో అనేక లోపాలున్నట్లు గుర్తించినట్లు తెలిపింది.