Mon Nov 25 2024 22:34:43 GMT+0000 (Coordinated Universal Time)
నెల్లూరు నుంచే మొదలయింది
జగన్ పథకం నెల్లూరు నుంచే మొదలయిందని నారా లోకేష్ అన్నారు. పలమనేరులో ఆయన ప్రసంగించారు
జగన్ పథకం నెల్లూరు నుంచే మొదలయిందని నారా లోకేష్ అన్నారు. పలమనేరులో ఆయన ప్రసంగించారు. యుద్ధం మొదలైందన్న లోకేష్ ఒక్క ఛాన్స్ అంటూ జగన్ ప్రజలను మోసం చేశాడన్నారు. నలభై ఐదేళ్లకే పెన్షన్ అంటూ మహిళలను కూడా మోసం చేశాడని లోకేష్ అన్నారు. ఎవరికైనా ఉద్యోగం ఇచ్చారా? అని ప్రశ్నించారు. జగన్ ఇచ్చే పెన్షన్ డబ్బుల కోసం ఎదురు చూడాల్సిన పరిస్థితి ఏర్పడిందన్నారు. నిత్యావసరాలు, డీజిల్, పెట్రోలు ధరలు పెంచి ప్రజల నడ్డి విరిచారని లోకేష్ ఆరోపించారు.
రాయలసీమ బిడ్డవేనా?
బూమ్ బూబ్ బీర్ మాత్రమే పొలాలకు పనిచేస్తున్నాయని, పరుగు మందులు పనిచేయడం లేదని లోకేష ఆరోపించారు. నువ్వు రాయలసీమ బిడ్డవేనా? అని నిలదీశారు. రైతుల ఆత్మహత్యల్లో ఏపీ మూడో స్థానానికి చేరుకుందని నారా లోకేష్ అన్నారు. జగన్ జిల్లాకొక రౌడీని తయారు చేశాడని, చిత్తూరు జిల్లా రౌడీ పేరు పెద్ది రెడ్డి రామచంద్రారెడ్డి అని ఎద్దేవా చేశారు. ఇసుక ద్వారా వేల కోట్లు దోచుకుంటున్నాడని నారా లోకేష్ ధ్వజమెత్తాడు.
Next Story
