Mon Nov 25 2024 14:31:41 GMT+0000 (Coordinated Universal Time)
నేడు అనంతపురంలోకి లోకేష్
తెలుగుదేశం పార్టీ జాతీయ ప్రధాన కార్యదర్శి నారా లోకేష్ నేడు అనంతపురం నియోజకవర్గంలో పర్యటించనున్నారు
తెలుగుదేశం పార్టీ జాతీయ ప్రధాన కార్యదర్శి నారా లోకేష్ నేడు అనంతపురం నియోజకవర్గంలో పర్యటించనున్నారు. లోకేష్ పాదయాత్ర నేటికి 60వ రోజుకు చేరుకుంది. ఉదయం 8.30 గంటలకు పంగల్ రోడ్డులోని బస నుంచి ప్రారంభమయ్యే పాదయాత్ర 9.30 గంటలకు అనంతపురం నియోజకవర్గంలోకి ప్రవేశిస్తుంది. ఉదయం 10.15 గంటలకు ఆర్డీటీ సెంటర్‌ను లోకేష్ సందర్శిస్తారు. అనంతరం 12.05 గంటలకు విజయనగర్ కాలనీలో భోజన విరామానికి ఆగుతారు. సాయంత్రం నాలుగు గంటలకు అక్కడే ఏర్పాటు చేసిన బహిరంగ సభలో పాల్గొంటారు.
వరస సమావేశాలతో....
సాయంత్రం 5.15 గంటలకు పూలే సర్కిల్‌లో వాల్మీకి, రజక సామాజికవర్గీయులతో సమావేశమై వారి సమస్యలపై చర్చించనున్నారు. సాయంత్రం 5.25 గంటలకు అంబేద్కర్ సర్కిల్‌లో ఎస్సీ సామాజికవర్గం ప్రజలతో సమావేశమవుతారు. అనంతరం ఆర్యవైశ్యులతోనూ భేటీ అయి వారి సమస్యలను అడిగి తెలుసుకుంటారు. 5.55 గంటలకు కురుబ సామాజికవర్గ ప్రజలతో సమావేశం జరుగుతుంది. అనంతరం నాయీ బ్రాహ్మణులతోనూ భేటీ అవుతారు. రాత్రి 10.10 గంటలకు బళ్లారి రోడ్డులోని ఎంవైఆర్ కల్యాణ మండపంలో లోకేష్ బస చేయనున్నారు.
Next Story
