Mon Nov 25 2024 18:22:44 GMT+0000 (Coordinated Universal Time)
పెద్దిరెడ్డి ఇలాకాలో చినబాబు
తెలుగుదేశం పార్టీ జాతీయ ప్రధాన కార్యదర్శి నారా లోకేష్ నేడు పుంగనూరు నియోజకవర్గంలో పర్యటించనున్నారు
తెలుగుదేశం పార్టీ జాతీయ ప్రధాన కార్యదర్శి నారా లోకేష్ నేడు పుంగనూరు నియోజకవర్గంలో పర్యటించనున్నారు. ఇప్పటి వరకూ నారాలోకేష్ 437 కిలోమీటర్ల మేర పాదయాత్ర చేశారు. లోకేష్ యువగళం పాదయాత్ర నేటికి 34వ రోజుకు చేరుకుంది. పెద్దిరెడ్డి రామచంద్రారెడ్డి నియోజకవర్గం కావడంతో పోలీసులు భారీ బందోబస్తును ఏర్పాటు చేశారు. ఉదయం 9 గంటలకు కొక్కువారిపల్లి బస నుంచి బయలుదేరి పది గంటలకు దేవళంపేటలో స్థానికులతో సమస్యలపై చర్చించనున్నారు. 10.35 గంటలకు తుడుంవారపల్లిలో బీసీ సామాజికవర్గీయులతో భేటీ కానున్నారు.
వరస సమావేశాలతో...
ఉదయం 11.30 గంటలకు కల్లూరులోని యువతీయువకులతో ముఖాముఖి సమావేశం నిర్వహించనున్నారు. మధ్యాహ్నం 12.30 గంటలకు కల్లూరులో భోజన విరామ సమయానికి ఆగనున్నారు. 2.30 గంటలకు కల్లూరులో ముస్లిం సామాజికవర్గం ప్రజలతో సమావేశం కానున్నారు. 3.30 నుంచి పాదయాత్ర ప్రారంభమై కల్లూరు సర్కిల్ లో హమాలీలను కలుసుకుని వారి సమస్యలపై చర్చించనున్నారు. అనతరం రాత్రికి జ్యోతినగర్ లో బస చేయనున్నారు. పెద్దిరెడ్డి రామచంద్రారెడ్డికి చెందిన నియోజకవర్గడం కావడంతో పోలీసులు కూడా అదనపు బందోబస్తును ఏర్పాటు చేశారు.
Next Story
