Mon Nov 25 2024 05:41:37 GMT+0000 (Coordinated Universal Time)
99వరోజుకు యువగళం
తెలుగుదేశం పార్టీ జాతీయ ప్రధాన కార్యదర్శి నారాలోకేష్ యువగళం పాదయాత్ర నేటికి 99వ రోజుకు చేరుకుంది
తెలుగుదేశం పార్టీ జాతీయ ప్రధాన కార్యదర్శి నారాలోకేష్ యువగళం పాదయాత్ర నేటికి 99వ రోజుకు చేరుకుంది. నేడు కూడా శ్రీశైలం నియోజకవర్గంలో పాదయాత్ర కొనసాగుతుంది. కొత్త ఉత్సాహంతో లోకేష్ పాదయాత్ర నంద్యాల జిల్లాలో కొనసాగుతుంది. ఈరోజు ఉదయం 7.10 గంటలకు పాదయాత్ర ప్రారంభమైన అనంతరం లోకేష్ కొత్తరామాపురం గ్రామస్థులతో సమావేశమై వారి సమస్యలపై చర్చించనున్నారు.
నేడు ఇలా...
9.45 గంటలకు తెలుగు గంగ జలాశయాన్ని లోకేష్ దర్శించనున్నారు. అనంతరం 11.15 గంటలకు అటవీ శాఖ కార్యాలయం సమీపంలో కార్మికులతో జరిగే ముఖాముఖి కార్యక్రమంలో లోకేష్ పాల్గొంటారు. 4.45 గంటలకు గండిపేట వద్ద బెస్త సామాజికవర్గీయులతో సమావేశమై వారి సమస్యలపై చర్చించనున్నారు. 4.55 గంటలకు వెలుగోడు మదీన మసీదు వద్ద స్థానికులతో మాటా మంతీ కార్యక్రమంలో లోకేష్ పాల్గొననున్నారు. అనంతరం 5.35 గంటలకు వెలుగోడు చర్చి వద్ద ఎస్సీ సామాజికవర్గీయులతో సమావేశం కానున్నారు.
Next Story
