నేడు బాబు కీలక భేటీ.... అక్కడ హిట్ అయితేనే?

గత ఎన్నికల్లో విశాఖ లో నాలుగు స్థానాలు, శ్రీకాకుళంలో రెండు స్థానాలు మాత్రమే టీడీపీకి దక్కాయి. విజయనగరం వైసీపీ క్లీన్ స్వీప్ చేసింది. దీంతో శ్రీకాకుళం, విజయనగరం, విశాఖపట్నం ప్రాంతాలపై చంద్రబాబు ఫోకస్ పెట్టనున్నారు. వైసీపీ ప్రభుత్వం మూడు రాజధానుల ప్రతిపాదన తేవడం, విశాఖ స్టీల్ ప్లాంట్ ప్రయివేటీకరణ, కొత్త జిల్లాల ఏర్పాటు వంటి అంశాలపై చంద్రబాబు నేడు నేతలతో చర్చించనున్నారు. ఉత్తరాంధ్రలో నీటిపారుదల ప్రాజెక్టులను వైసీపీ ప్రభుత్వం నిర్లక్ష్యం చేయడం, దీనిపై కార్యాచరణను రూపొందిచాలని చంద్రబాబు భావిస్తున్నారు.