Tirumala : తిరుమలలో తగ్గిన రద్దీ .. శనివారం కూడా ఇదేంటి?

అయితే ఈరోజు పెద్దగా వర్షం లేకపోవడంతో పాటు వాతావరణం సానుకూలంగా ఉండటంతో రానున్న సమయంలో భక్తుల రద్దీ పెరుగుతుందని అధికారులు అంచనా వేస్తున్నారు. రేపు కూడా తిరుమలలో భక్తుల రద్దీ ఎక్కువగా ఉండే అవకాశముందని చెబుతున్నారు. ఈరోజు తిరుమలలోని వైకుంఠం క్యూ కాంప్లెక్స్ లోని ఏడు కంపార్ట్ మెంట్లలోనే భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లో ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం తొమ్మిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు రెండు గంటల సమయంలో శ్రీవారి దర్శనం పూర్తవుతుంది.అలాగే మూడు వందల రూపాయల ప్రత్యేక దర్శనం టిక్కెట్లు పొందిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 63,772 మంది భక్తులు దర్శించుకున్నారు. వీరిలో 22,225 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.77 కోట్ల రూపాయల ఆదాయం వచ్చిందని అధికారులు తెలిపారు.