Tue Nov 26 2024 04:43:00 GMT+0000 (Coordinated Universal Time)
తిరుమలలో రష్... నేరుగా దర్శనం
తిరుమలలో భక్తుల రద్దీ పెద్దగా లేదు. బుధవారం కావడంతో భక్తులు తిరుమలలో పెద్దగా కనిపించడం లేదు.
తిరుమలలో భక్తుల రద్దీ పెద్దగా లేదు. బుధవారం కావడంతో భక్తులు తిరుమలలో పెద్దగా కనిపించడం లేదు. వైకుంఠం క్యూ కాంప్లెక్స్‌లోని కంపార్ట్‌మెంట్లలో వేచి చూడకుండానే నేరుగా భక్తులు శ్రీవారిని దర్శించుకుంటున్నారు. సర్వదర్శనం క్యూ లైన్ లో వేచి ఉన్న భక్తులకు నాలుగు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. సర్వదర్శనం టోకెన్లు లేని భక్తులు ఇప్పటికిప్పుడు క్యూ లైన్ లో ప్రవేశిస్తే పథ్నాలుగు గంటల్లో స్వామి వారిని దర్శించుకునే వీలుంటుందని అధికారులు తెలిపారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు రెండు గంటల్లోగా స్వామి వారి దర్శనం పూర్తవుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 53,755 మంది శ్రీవారిని దర్శించుకున్నారు. వీరిలో 18,267 మంది భక్తులు తమ తలనీలాలను సమర్పించుకుని మొక్కులు తీర్చుకుని అధికారులు వెల్లడించారు. నిన్న తిరుమల శ్రీవారి హుండీ ఆదాయం 4.74 కోట్ల రూపాయలు వచ్చిందని అధికారులు తెలిపారు.
Next Story
