కుప్పంలో టెన్షన్ .. టెన్షన్

కేకుమానుపల్లిలో చంద్రబాబు ప్రసంగించడం కోసం ఏర్పాటు చేసిన వేదికను పోలీసులు తొలగించారు. దీంతో పోలీసులు, తెలుగుదేశం పార్టీ కార్యకర్తలకు మధ్య తీవ్ర వాగ్వివాదం జరిగింది. తోపులాట చోటు చేసుకుంది. పోలీసులు అడ్డుగా పెట్టిన బారికేడ్లను కార్యకర్తలు ఎత్తిపడేయడంతో పోలీసు అధికారులు ఆగ్రహం వ్యక్తం చేశారు. చంద్రబాబు మూడు రోజుల పర్యటన నిమిత్తం కుప్పం నియోజకవర్గానికి మరికాసేపట్లో రాబోతున్నారు. పరిస్థితి మాత్రం ఇంకా ఉద్రిక్తంగానే ఉంది. చిత్తూరు జిల్లాలో ఏ నియోజకవర్గం నుంచి కార్యకర్తలు కుప్పంకు రాకుండా పోలీసులు ఎక్కడికక్కడ అడ్డుకుంటున్నారు.