Breaking : ఫోన్ మోగింది... సీటు చిరిగింది.. కల చెదిరింది.. 21 చోట్ల మార్పులు

వైఎస్సార్ కాంగ్రెస్ పార్టీలో మూడో జాబితా విడుదలయింది. 21 నియోజకవర్గాల్లో మార్పులు చేర్పులు చేపట్టారు. గెలుపు ఆధారంగానే ఇన్‌ఛార్జుల నియామకం చేపడుతున్నట్లు వైసీపీ అధినాయకత్వం చెబుతుంది. ప్రతి రోజూ ముఖ్యమంత్రి క్యాంప్ కార్యాలయాలకు సిట్టింగ్ ఎమ్మెల్యేలను పిలిపించడం, ఎందుకు టిక్కెట్ ఇవ్వలేకపోతున్నామని చెప్పడంతో వారిని పక్కన పెడుతుంది. కొందరు నిరాశతో వెనుదిరిగి వెళ్లిపోతుండగా, మరికొందరు ఆవేశంతో అక్కడికక్కడే నిర్ణయాలు తీసుకుంటూ రాజీనామా చేస్తున్నట్లు ప్రకటిస్తున్నారు. అయినా సరే ఏ మాత్రం ఖాతరు చేయకుండా వచ్చే ఎన్నికలకు సంబంధించి అభ్యర్థులను ఖరారు చేసే పనిలోనే ముఖ్యమంత్రి జగన్ నిమగ్నమయి ఉన్నట్లు కనిపిస్తుంది.