Tirumala : తిరుమలలో భారీగా భక్తులు... దర్శనానికి ఎంత సమయం అంటే?

తిరుమలలో సాధారణంగా ఫిబ్రవరి నెలలో భక్తుల రద్దీ తక్కువగా ఉంటుంది. వివిధ పబ్లిక్ పరీక్షలు మార్చి ఏప్రిల్ నెలలో జరుగుతుండటంతో భక్తులు అధిక సంఖ్యలో ప్రతి సీజన్ లోనూ తక్కువగానే వస్తారు. దీంతో పాటు ఏ రోజు కారోజు ఎస్.ఎస్.డి. టోకెన్లు జారీ చేస్తుండటంతో ముందుగా బుక్ చేసుకోని వారు కూడా వచ్చి టోకెన్లు తీసుకుని స్వామి వారిని దర్శించుకుంటున్నారు. ముందుగానే ప్రత్యేక దర్శనం టోకెన్లు పొందిన వారు కూడా వస్తుండంతో గత కొద్ది రోజులుగా తిరుమల వీధులన్నీ భక్తులతో కిక్కిరిసి పోయాయి.

తిరుమలలో నేడు వైకుంఠం కాంప్లెక్స్ లోని ముప్ఫయి కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పదిహేను గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 67,192 మంది భక్తుల దర్శించుకున్నారు. వీరిలో 20,825 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.15 కోట్ల రూపాయలు వచ్చిందని అధికారులు తెలిపారు. టైమ్ స్లాట్ దర్శనం భక్తులకు శ్రీవారి దర్శనం ఐదు గంటలకు పైగానే సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు మూడు నుంచి నాలుగు గంటల సమయం శ్రీవారి దర్శనానికి సమయం పడుతుంది.