Mon Nov 18 2024 12:24:17 GMT+0000 (Coordinated Universal Time)
నేడు తిరుమల శ్రీవారి ప్రత్యేక దర్శనం టికెట్లు విడుదల
తిరుమల శ్రీ వెంకటేశ్వర స్వామివారి ప్రత్యేక ప్రవేశ దర్శనం టికెట్లను టీటీడీ నేడు విడుదల చేయనుంది. డిసెంబర్ నెల కోటాకు సంబంధించిన రూ.300 శ్రీవారి ప్రత్యేక దర్శన టోకెన్లను శుక్రవారం ఉదయం 10 గంటలకు ఆన్‌లైన్‌లో విడుల చేయనున్నారు. డిసెంబర్ నెల మొత్తానికి సంబంధించిన టికెట్లు అందుబాటులో ఉంచనున్నది. వీఐపీ బ్రేక్‌ దర్శన వేళల్లో మార్పుల కారణంగా డిసెంబర్ నెల కోటా టికెట్ల విడుదల ఆలస్యమైందని అధికారులు తెలిపారు.
రూ. 300 ప్రత్యేక ప్రవేశ దర్శన టికెట్లను బుక్‌ చేసుకోవాలనుకునే వారు టీటీడీ అధికారిక వెబ్‌సైట్‌(https://tirupatibalaji.ap.gov.in/#/login) లోకి వెళ్లాలి. తమ పేరును రిజిస్టర్‌ చేసుకోవాలి. ముందుగానే రిజిస్టర్‌ చేసుకున్నవారైతే లాగిన్ వివరాలను ఎంటర్‌ చేయాలి. ఆ తర్వాత లేటెస్ట్‌ అప్‌డేట్‌లో ఉండే రూ.300 ప్రత్యేక దర్శనం టికెట్లపై క్లిక్‌ చేయాలి. దర్శనానికి వెళ్లే తేదీ, సమయాన్ని సెలక్ట్‌ చేసుకొని డబ్బు చెల్లించాల్సి ఉంటుంది. వీలైనంత త్వరగా లాగిన్ అయి టికెట్లను సెలెక్ట్ చేసుకోవడం చాలా మంచిది.
Next Story
