VijayaSaiReddy: ఎవరినీ వదలను.. గుర్తు పెట్టుకోండి: విజయసాయిరెడ్డి

ఒక మహిళా అధికారితో వైసీపీ రాజ్యసభ సభ్యుడు విజయసాయిరెడ్డికి అక్రమ సంబంధం ఉందనే వార్తలపై విజయసాయిరెడ్డి మీడియాతో మాట్లాడారు. ఎలాంటి ఆధారాలు లేకుండా తప్పుడు ప్రచారం చేస్తున్నారని.. ఒక ఆదివాసీ మహిళా అధికారిని అవమానించారన్నారు. ఆమెతో తనకు అక్రమ సంబంధాన్ని అంటగట్టారని.. కొన్ని మీడియా సంస్థలు తనపై తప్పుడు కథనాలను ప్రచారం చేశాయని విమర్శించారు. కూటమి ప్రభుత్వం అధికారంలోకి వచ్చిన తర్వాత వైసీపీ నాయకులపై వరుసక్రమంలో బురద చల్లుతున్నారని విజయసాయి అన్నారు. తన పరువు, ప్రతిష్ఠలను దెబ్బతీసేందుకు కుట్ర చేస్తున్నారన్నారు. దీని వెనుక ఉన్నవాళ్లకు బుద్ధి చెపుతానని అన్నారు.