Vijayawada : విజయవాడకు ఎందుకు ఈ దుర్గతి.. మరో హైడ్రా ఏర్పాటు చేయాల్సిందేనా?

ిఇక విజయవాడలో అన్నీ ఆక్రమణలే.. కొండలు, కాల్వగట్టులు ఒకటేమిటి అన్నీ ఆక్రమణలే. అయితే అందరూ పేదలే అయినా వారు ఇళ్లు నిర్మాణం చేపట్టడంతో కురిసిన నీరు ఎటూ పోవడానికి వీలులేకుండా పోయింది. కృష్ణానది కరకట్ట మీదనే ఇళ్లను నిర్మించారు. నది పరివాహక ప్రాంతాన్ని ఆక్రమించి ఇళ్ల నిర్మాణం చేపట్టారు. ఇక డ్రైనేజీ వ్యవస్థ కూడా అస్తవ్యస్థంగా ఉంది. ఎప్పుడో బ్రిటీష్ వాళ్లు నిర్మించిన డ్రైనేజీ వ్యవస్థ తప్పించి కార్పొరేషన్ అధికారులు నూతన డ్రైనేజీ నిర్మాణానికి చర్యలు చేపట్టలేదు. కొన్ని చోట్ల భూగర్భ డ్రైనేజీ పనులు చేసినప్పటికీ వాటి నిర్వహణ సక్రమంగా లేకపోవడంతో రహదారులపై మోకాలి లోతు నీరు నిలిచిందని నిపుణులు చెబుతున్నారు.

డ్రైనేజీలను ఎప్పటికప్పుడు శుభ్రం చేయకుండా కార్పొరేషన్ అధికారులు నిర్లక్ష్యం చేసిందన్న ఆరోపణలు ఉన్నాయి. నాలాలను ఆక్రమించి ఇల్లు నిర్మించుకున్నా వాటిని తొలిగించే ప్రయత్నం చేయలేదు. అయితే వీటికి కమ్యునిస్టు పార్టీలు ఎప్పటికప్పుడు అడ్డుకోవడం వల్ల అధికారంలో ఉన్న రాజకీయ పార్టీలు కూడా ఏమీ చేయలేకపోతున్నాయి. కామ్రేడ్లు ఉద్యమిస్తారని భావించి ఆక్రమణల జోలికి వెళ్లడం లేదు. ఇక కొండచరియలు విరిగిపడి నలుగురు మరణించారు. విజయవాడ కొండను ఆక్రమించి మరీ ఇల్లు నిర్మించారు. కొండపై నిర్మించిన ఇళ్లకు విద్యుత్తు సౌకర్యంతో పాటు మంచినీటి సౌకర్యం కూడా కల్పించారు. అందుకే బెజవాడ మునిగిపోయిన పాపం పాలకులదే అని ఖచ్చితంగా చెప్పాలి.