Sat Nov 09 2024 16:43:18 GMT+0000 (Coordinated Universal Time)
రోడ్డెక్కి కొట్టుక్కున్న విద్యార్థినులు !
రోడ్డుపై కొట్టుకున్న విద్యార్థినులు విజయవాడ కేబీఎన్ కాలేజీకి చెందినవారుగా స్థానికులు పేర్కొన్నారు. కాలేజీ స్టూడెంట్లమన్న
విజయవాడ : నేటి బాలలే రేపటి పౌరులు అన్నారు పెద్దలు. ప్రాథమిక, ఉన్నత, కళాశాల విద్యను పూర్తి చేసి.. దేశ భవిష్యత్తును తీర్చిదిద్దాల్సిన విద్యార్థులు పెడదోవపడుతున్నారు. చదువుకునే విద్యార్థులమని మరిచిపోయి.. రోడ్డెక్కి కొట్టుకున్నారు. విజయవాడలో జరిగిన ఈ ఘటన తాజాగా వెలుగుచూసిది. అమ్మాయిలమన్న విషయం కూడా మరిచిపోయి.. జుట్టు జుట్టు పట్టుకుని, పిడిగుద్దులు గుద్దుకుంటూ కొట్టుకున్నారు.
ఆ ఇద్దరు విద్యార్థినుల పక్కనే ఉన్న మరికొందరు విద్యార్థులు వారిని ఆపేందుకు ఎంత ప్రయత్నించినా.. ఆ ఇద్దరు విద్యార్థినిలు వెనక్కు తగ్గలేదు సరికదా, ఒకరినొకరు దుర్భాషలాడుకుంటూ నానా హంగామా సృష్టించారు. వారిద్దరి మధ్య గొడవకు కారణం ఏంటన్న సంగతి స్పష్టత లేదు కానీ.. తోటి విద్యార్థులు మాత్రం ప్రేమ వ్యవహారమే ఘర్షణకు కారణమై ఉంటుందని భావిస్తున్నారు. వారిద్దరూ కొట్టుకుంటున్న వీడియో సోషల్ మీడియాలో పోస్ట్ చేయగా.. అదికాస్తా వైరల్ అయ్యాయి.
రోడ్డుపై కొట్టుకున్న విద్యార్థినులు విజయవాడ కేబీఎన్ కాలేజీకి చెందినవారుగా స్థానికులు పేర్కొన్నారు. కాలేజీ స్టూడెంట్లమన్నవిషయాన్నే మరిచి జుట్టు పట్టుకుని నడి రోడ్డుపై ఇష్టం వచ్చినట్లు కొట్టుకున్నారు ఇద్దరు. అందరూ చూస్తుండగానే విద్యార్థినిలు అలా దాడి చేసుకోవడంతో స్థానికులు అవాక్కయ్యారు. ఈ ఘటనపై కళాశాల యాజమాన్యం ఎలాంటి చర్యలు తీసుకుంటుందో తెలియాల్సి ఉంది. కాగా.. గతంలో విశాఖలోనూ ఇద్దరు విద్యార్థినులు తమ లవర్ కోసం ఇలాగే కొట్టుకుంటూ.. తిట్టుకున్నారు. ఆ వీడియో కూడా వైరల్ అయింది.
Next Story
