విశాఖలో వైసీపీకి ఎదురుదెబ్బ.. కీలక నేత రాజీనామా

పార్టీ జిల్లా అధ్యక్షుడిగా ఉన్న తనకు స్వేచ్ఛ ఇవ్వలేదని వాపోయారు. తనకు ఘాటుగా విమర్శించడం రాదన్న పంచకర్ల రమేష్.. అధిష్టానం సామాజికవర్గ సమావేశాలు పెట్టొద్దని ఆదేశించిందన్నారు. సుబ్బారెడ్డితో తనకు ఎలాంటి విభేదాలు లేవని స్పష్టం చేశారు. తన అనుచరులతో సమావేశమై.. త్వరలోనే భవిష్యత్ కార్యాచరణపై నిర్ణయం తీసుకుంటానని తెలిపారు. కాగా.. పంచకర్ల రమేష్ బాబు 2009లో ప్రజారాజ్యం పార్టీలో చేరి రాజకీయ జీవితాన్ని ప్రారంభించారు. ఆ పార్టీ నుంచి పెందుర్తి నియోజకవర్గంలో పోటీ చేసి ఎమ్మెల్యేగా గెలిచారు. ఆ తర్వాత ప్రజారాజ్యం కాంగ్రెస్ లో విలీనమవ్వగా.. రాష్ట్ర విభజన అనంతరం కాంగ్రెస్ కు రాజీనామా చేసి.. 2014లో టీడీపీలో చేరారు. అప్పుడు యలమంచిలి నుంచి పోటీ చేసి గెలిచిన ఆయన.. 2020లో టీడీపీని వీడి వైసీపీలో చేరారు. ఇప్పుడు వైసీపీకి కూడా రాజీనామా చేసిన పంచకర్ల రమేశ్ తదుపరి ఏ పార్టీలో చేరుతారన్న విషయంపై విశాఖ రాజకీయాల్లో చర్చ జరుగుతోంది.