Fri Nov 22 2024 20:24:53 GMT+0000 (Coordinated Universal Time)
రికార్డులో రారాజు... విశాఖ స్టీల్ ప్లాంట్
విశాఖ స్టీల్ ప్లాంట్ కొత్త రికార్డును సృష్టించింది. ఒకరోజు ఉత్పత్తిని అధికంగా చేసి గత రికార్డులను బద్దలు కొట్టేసింది.
విశాఖ స్టీల్ ప్లాంట్ కొత్త రికార్డును సృష్టించింది. ఒకరోజు ఉత్పత్తిని అధికంగా చేసి గతంలో ఉన్న రికార్డులను బద్దలు కొట్టేసింది. విశాఖ స్టీల్ ప్లాంట్ లోని బ్లాస్ట్ ఫర్నేస్ -1 గోదావరి లో అత్యధికంగా ఉత్పత్తి జరిగింది. మంగళవారం ఈ రికార్డు విశాఖ స్టీల్ ప్లాంట్ లో చోటుచేసుకుంది. ఒక రోజులో అత్యధికంగా 7,620 టన్నుల ఉత్పత్తి జరిగింది.
ఉత్పత్తిలో...
గతంలో ఏప్రిల్ 16వ తేదీ 2020 న విశాఖ స్టీల్ ప్లాంట్ లో అత్యధికంగా 7,550 టన్నుల ఉత్పత్తి జరిగింది. ఇప్పటి వరకూ ఇదే అత్యధిక రికార్డు. అయితే ఈ రికార్డును స్టీల్ ప్లాంట్ నిన్న అధిగమించింది. విశాఖ స్టీల్ ప్లాంట్ ను కేంద్ర ప్రభుత్వం ప్రయివేటీకరించాలని సిద్దమయింది.
ఆందోళనలు....
దీనిపై గత కొన్ని నెలలుగా కార్మికులు ఆందోళన చేస్తున్నారు. తమకు సెంటిమెంట్ గా ఉన్న స్టీల్ ప్లాంట్ ను ప్రయివేటీకరించవద్దని కోరుతున్నారు. ఈ నెల 23వ తేదీన బంద్ కు కూడా పిలుపు నిచ్చారు. ఒక వైపు కార్మికుల ఆందోళనలు జరుగుతున్న సమయంలోనే ఉత్పత్తిని రికార్డు స్థాయిలో చేయడం విశేషం.
Next Story
