Ys Jagan : నేను బచ్చా అయితే కూటమితో ఎందుకు వస్తున్నావు బాబూ?

జగన్ యాభై ఎనిమిది నెలలో చేసిన మంచిని నువ్వు పథ్నాలుగు ఏళ్లు ముఖ్యమంత్రిగా ఉన్నప్పుడు చేశావా? అని ప్రశ్నించారు. పెత్తందారులపై యుద్ధానికి అందరూ సిద్ధంగా ఉండాలన్నారు. ఎప్పుడూ లేని విధంగా 2.75 లక్షల కోట్లు నేరుగా లబ్దిదారులను అందచేసింది ఒక బచ్చాయేనంటూ ఆయన ఎద్దేవా చేశారు. ఇలా ఎప్పుడైనా జరిగిందా? అని ప్రజలను అడిగారు. నువ్వు ఎప్పుడైనాచూశావా? అని చంద్రబాబును అడిగారు. రైతు భరోసా, నేతన్న హస్తం, వాహన మిత్ర వంటి పథకాలను మీరు ఎప్పుడైనా చూశారా? అని అన్నారు. ఈ పథకాలు గతంలో ఏ ప్రభుత్వం అమలు చేయలేదన్నారు. మీ బిడ్డ పాలనలోనే అది సాధ్యమయిందన్నారు. అక్కచెల్లెమ్మల కోసం ఆలోచనలు చేసిన ప్రభుత్వం తమదేనని అన్నారు.

ఎలాంటి లంచాలు, వివక్ష లేకుండా ప్రభుత్వ పథకాలను అందిస్తున్నామని తెలిపారు స్వయం ఉపాధిని ప్రోత్సహించామని చెప్పారు. ప్రజలకు ఇంత మంచి చేసిన ప్రభుత్వం కావాలా? కేవలం నలుగురు దోచుకుని తినే ఆ చంద్రబాబు కావాలా? మీరే తేల్చుకోవాలంటూ జగన్ ప్రజలను కోరారు. జగన్ ప్రభుత్వం తెచ్చిన మార్పు గ్రామాల్లోనే కనిపిస్తుందన్నారు. ఆలోచన చేయమని అడుగుతున్నానని, అందరూ ఇంట్లో కూర్చుని ఆలోచించాలని, మీ బిడ్డ అధికారంలోకి రాకమునుపు ఇలాంటి పధకాలు అందాయా? అని ఆయన ప్రశ్నించారు. ఇది జగన్ మార్క్ పాలన అని అన్నారు. చంద్రబాబు మార్క్ పాలన ఏముందని జగన్ నిలదీశారు. గతంలో ఎన్నడూ లేని విధంగా సంక్షేమ పథకాలతో పాటు అభివృద్ధిని కూడా చేర్చి అందరికీ అందించిన ఘనత ఈ ప్రభుత్వానిదేనని జగన్ అన్నారు.