Ys Jagan : జమిలి ఎన్నికలపై జగన్ ఏమన్నారంటే?

ఎన్నికలు ఎప్పుడైనా రావచ్చని, అందరూ సిద్ధంగా ఉండాలని వైసీపీ అధినేత జగన్ అన్నారు. ఆయన ఈరోజు వర్క్‌షాప్ లో మాట్లాడుతూ నేతలకు దిశానిర్దేశం చేశారు. యాక్టివ్ గా ఉన్న నేతలకే అవకాశాలు ఇస్తామని జగన్ అన్నారు. ప్రతి ఒక్కరి పనితీరుకు రేటింగ్ కూడా ఇస్తామని జగన్ తెలిపారు. ప్రజా సమస్యలపై నిరంతరం పోరాడితేనే ప్రజల్లో మరోసారి విశ్వాసం పొందుతామని తెలిపారు. ప్రస్తుత ప్రభుత్వం ప్రజల్లో నమ్మకం కోల్పోయిందన్న జగన్ హామీలు అమలు చేయకపోవడం, చెప్పిన వన్నీ అబద్ధాలేనని తేలడంతో ప్రతి ఇంట్లో చర్చ మొదలయిందని జగన్ అన్నారు.