Ys Jagan : జగన్ ను వెంటాడుతున్న పదకొండు.. మళ్లీ అదే డేటా?

ఇప్పుడు తాజాగా ఆంధ్రప్రదేశ్ లో బడ్జెట్ సమావేశాలు పదకొండో తేదీన ప్రారంభం కానున్నాయి. పదకొండు తేదీన గవర్నర్ ప్రసంగం ఉంటుంది. వీలుంటే అదే రోజున బడ్జెట్ ను ప్రవేశపెట్టాలన్న నిర్ణయంతో కూటమి ప్రభుత్వం ఉంది. ఈ వార్త తెలిసిన తర్వాత జగన్ రియాక్షన్ ఎలా ఉంటుందో? నంటూ తెలుగుదేశం పార్టీ కార్యకర్తలు సోషల్ మీడియాలో ఎద్దేవా చేస్తున్నారు. వైసీపీని ట్రోల్ చేస్తున్నారు. పదకొండు మళ్లీ వచ్చింది బాబాయ్ అంటూ ఎద్దేవా చేస్తున్నారు. అయితే మరొక చర్చ కూడా రాజకీయంగా ఆంధ్రప్రదేశ్ లో విస్తృతంగా జరుగుతుంది. ఈ బడ్జెట్ సమావేశాలకు వైసీపీ ఎమ్మెల్యేలు, ఎమ్మెల్సీలు హాజరవుతారా? లేదా? అన్న చర్చ జరుగుతుంది.

2014లో అరవైకి పైగా స్థానాలు వచ్చినా జగన్ పార్టీ ఎమ్మెల్యేలు బడ్జెట్ సమావేశాలకు దూరంగా ఉన్న విషయాన్ని కొందరు ఈ సందర్భంగా గుర్తు చేస్తున్నారు. ఈసారి కూడా పదకొండో తేదీన బడ్జెట్ సమావేశాలు ఏర్పాటు చేయడం వెనక కూడా వైసీపీని అవమానించడానికేనని జగన్ పార్టీ నేతలు అనుమానిస్తున్నారు. అందుకే సమావేశాలకు దూరంగా ఉండాలని నిర్ణయించుకున్నారని చెబుతున్నారు. బడ్జెట్ సమావేశాలకు వస్తారా? రారా? అంటూ సోషల్ మీడియాలో టీడీపీ శ్రేణులు వైసీపీ అధినేత జగన్ ను సూటిగా ప్రశ్నిస్తున్నారు. పదకొండు పిలుస్తోంది.. రా కదిలిరా అంటూ కామెంట్స్ పెడుతూ కవ్విస్తున్నారు. మరి వైఎస్ జగన్ ఈసారి సమావేశాలకు హాజరవుతారా? లేదా? అన్నది చూడాల్సి ఉంది.