Ys Jagan : ఇంతటి అభివృద్ధిని ఎప్పుడైనా చూశారా? ఇంత మార్పును ఎవరైనా తీసుకు వచ్చారా?
వైసీపీ అధినేత జగన్ బస్సు యాత్ర రెండో రోజుల రాయలసీమలో కొనసాగుతుంది. నంద్యాల సభలో ప్రసంగించారు.
తాను యాభై ఎనిమిది నెలల్లో తీసుకొచ్చిన మార్పు 75 ఏళ్ల చంద్రబాబు తీసుకొచ్చారా? అని వైసీపీ అధినేత జగన్ ప్రశ్నించారు. నంద్యాలలో జరిగిన బహిరంగ సభలో ఆయన మాట్లాడారు. నంద్యాల ఒక జనసముద్రంలా కనిపిస్తుందని అన్నారు. గతంలో చంద్రబాబు పాలన చేసిన మోసాన్ని చూశారన్నారు. ఇటువైపు తాను ఒకడ్నేని అటు వైపు బాబు, ఆయన దత్తపుత్రుడు, బీజేపీతో పాటు పరోక్షంగా కాంగ్రెస్ ఉందన్నారు. జగన్ ను ఎదుర్కొనేందుకు తోడేళ్లన్నీ ఒక్కటయ్యాయని అన్నారు. ఐదేళ్ల ప్రగతిని ఇంటింటికి తీసుకెళ్లాని జగన్ పిలుపు నిచ్చారు. ఈ ఎన్నికల్లో వైసీపీకి ఓటు వేయని వారు కూడా ఆలోచించాలని జగన్ అన్నారు. మీ కుటుంబానికి మంచి జరిగిందని అనుకుంటేనే ఓటేయాలని జగన్ కోరారు. ఇంటికి వెళ్లి ఆలోచన చేసి సరైన నిర్ణయం తీసుకోవాలన్నారు. ఈ ఎన్నికతో మీ కుటుంబాల భవిష్యత్ నిర్ణయం అవుతుందని అన్నారు. మోసాల బాబుకు ఇవే చివరి ఎన్నికలు కావాలన్నారు. గ్రామాలను చూస్తేనే మార్పు అనేది కనిపిస్తుందన్నారు. కొత్త జిల్లాలను ఏర్పాటు చేసుకున్నామని జగన్ తెలిపారు.
