Sajjala : చంద్రబాబు దిగజారుడుతనానికి ఇది నిదర్శనం కాదా?

ల్యాండ్ టైటిలింగ్ యాక్ట్ వల్ల నష్టం ఏమీ ఉండదని అన్నారు. ప్రభుత్వం పూచీకత్తు ఇస్తుందన్నారు. రైతులకు పూర్తి రక్షణ ఇచ్చే చట్టమని అందరూ అంగీకరించే విషయమని అన్నారు. చంద్రబాబు నాయుడు ప్రతిపక్షంగా ఉన్నప్పుడే ఈ బిల్లును శాసనసభలో ప్రవేశపెట్టామన్నారు. కేవలం అబద్ధాలు ఎందుకు ప్రచారం చేస్తున్నారన్నారు. 2019లో బిల్లు ఆమోదం పొందితే ఎన్నికల సమయంలో ఎందుకు దానిని బయటకు తెచ్చారని సజ్జల రామకృష్ణారెడ్డి ప్రశ్నించారు. ఈ ఐదేళ్ల పాటు ఈ యాక్ట్ పై టీడీపీ నేతలు ఎందుకు యాగీ చేయలేదని, ఎందుకు ప్రభుత్వాన్ని ప్రశ్నించలేదన్నారు. నీతి అయోగ్ ప్రతిపాదించిన చట్టాన్నే వైసీపీ ప్రభుత్వం శాసనసభలో ఆమోదించిందన్నారు. మరి ఈ ల్యాండ్ టైటిలింగ్ యాక్ట్ ను బీజేపీ పాలిత రాష్ట్రంలో అమలు చేయడం లేదా? అని ప్రశ్నించారు. ఒక అబద్ధాన్ని నిజం చేయాలన్న ప్రయత్నమే ఇందులో కనపడుతుందన్నారు.