Breaking : "అంతరంగాలు" సీరియల్ ను తలపిస్తున్న జాబితాల విడుదల వ్యవహారం

వైసీపీ ఆరో జాబితాను విడుదల చేసింది. మంత్రి మేరుగ నాగార్జున, పార్టీ నేత సజ్జల రామకృష్ణారెడ్డి ఈ జాబితాను విడుదల చేశారు. నాలుగు ఎంపీలు, ఆరు అసెంబ్లీ స్థానాలకు ఇన్ ఛార్జులను ప్రకటించింది. ఇప్పటికే ఐదు జాబితాను విడుదల చేసిన వైసీపీ ఆరో జాబితాను కూడా రిలీజ్ చేయడంతో ఇంకెన్ని లిస్ట్ లు ఉంటాయన్న చర్చ జరుగుతుంది. అయితే నోటిఫికేషన్ వెలువడేంత వరకూ మార్పులు చేర్పులు ఉంటాయని పార్టీ నేతలు చెబుతున్నారు. సర్వేల మీద సర్వేలు చేయిస్తూ నియోజకవర్గాల్లో మార్పులు, చేర్పులు చేస్తున్నారు. ఎలాంటి శషభిషలకు తావివ్వకుండా తాము అనుకున్న ప్రకారమే జగన్ ముందుకు వెళుతున్నారు. ఆరో జాబితా కొంత ఆలస్యమవుతుందని భావించినా ఈరోజు కూడా జాబితాను విడుదల చేయడంతో వైసీపీ నేతలు తమ టిక్కెట్ ను ప్రకటించేంత వరకూ టెన్షన్ పడక తప్పదు.