దత్తపుత్రుడు అంటూ స్పెషల్ ఫోకస్ పెట్టిన సీఎం జగన్

చంద్రబాబు తప్పు చేసి అడ్డంగా దొరికిపోయారని.. అలాంటి వ్యక్తికి కొందరు కాపాడేందుకు ప్రయ్నతిస్తున్నారన్నారు. స్కిల్ స్కామ్ పాత్రధారి, సూత్రధారి చంద్రబాబేనని.. దర్యాప్తులో ఐటీ అధికారులు పీఏ నుంచి కీలక సమాచారం రాబట్టారని అన్నారు. కోర్టులో పది గంటల పాటు వాదనలు జరిగాయని.. బాబుకు ఇన్‌కమ్ ట్యాక్స్ అధికారులు సరైన ఆధారాలతో నోటీసులు ఇచ్చారంటూ పేర్కొన్నారు. చంద్రబాబు అరెస్టయినా.. ప్రశ్నిస్తానన్న వ్యక్తి ప్రశ్నించడంటూ జనసేన అధినేత పవన్ కళ్యాణ్ పై పరోక్షంగా విమర్శలు గుప్పించారు సీఎం జగన్. అవినీతిపరుడికే మద్దతిస్తున్నారని ఆరోపించారు. గజదొంగను కాపాడేందుకు దొంగల ముఠా ప్రయత్నిస్తోందని.. అవినీతిపై ఆధారాలు కనిపిస్తున్నా బుకాయిస్తారన్నారు. ప్రశ్నిస్తా, ప్రశ్నిస్తానన్న దత్తపుత్రుడు ప్రశ్నించడు అంటూ జగన్ విమర్శించారు. ప్రశ్నించే వ్యక్తి ప్రశ్నించకుండా పొత్తు పెట్టుకున్నాడని సీఎం జగన్ విమర్శలు గుప్పించారు.