Ys Sharmila : నేడు షర్మిల మాటలను బట్టే భవిష్యత్ బాట తేలనుందా?

అయితే ప్రమాణ స్వీకారం అనంతరం విజయవాడలో ర్యాలీగా ఆంధ్రరత్న భవన్ కు వచ్చి అక్కడ పీసీసీ చీఫ్ గా బాధ్యతలను స్వీకరించనున్నారు. అయితే షర్మిల కార్యకర్తల సమావేశంలో ప్రసంగం ఎలా ఉండనుందన్న దానిపైనే అంతా ఉత్కంఠ నెలకొంది. రాజకీయ వర్గాల్లో కూడా ఆసక్తి నెలకొంది. రాష్ట్రంలో అధికారంలో ఉన్న తన సోదరుడు పార్టీ వైసీపీపై విమర్శలకు దిగుతారా? లేదా? వైఎస్ కాంగ్రెస్ నేత కాబట్టి ఆయన విషయానికే పరిమితమవుతారా? అన్నది తేలనుంది. పోలవరం ప్రాజెక్టు నుంచి అమరావతి రాజధాని వరకూ షర్మిల ప్రసంగంలో చోటు చేసుకునే అవకాశాలున్నాయని పార్టీ వర్గాలు చెబుతున్నాయి.

దీంతో పాటు రాష్ట్రంలో అమలవుతున్న సంక్షేమ పథకాలను గురించి కూడా ప్రస్తావిస్తారని అంటున్నారు. వైఎస్ పాలనలో ఏం జరిగిందీ? ఇప్పుడు జరుగుతున్నదేంటి? అన్న దానిపై ఆమె సవివరంగా మాట్లాడతారని తెలిసింది. కేవలం సంక్షేమం మాత్రమే కాకుండా అభివృద్ధిపై కూడా దృష్టి పెట్టాల్సిన అవసరాన్ని పరోక్షంగా తన సోదరుడికి నొక్కి చెప్పే అవకాశాలు లేకపోలేదు. పీసీసీ చీఫ్ గా తొలి ప్రసంగమే చప్పగా సాగితే కార్యకర్తలతో పాటు నేతలు తమ వెంట ఉండరని షర్మిలకు తెలియంది కాదు. అందుకే కొంత ఎఫెన్స్ గానే ఆమె ప్రసంగం ఉండబోతుందన్న అంచనాలు వినపడుతున్న నేపథ్యంలో ఇప్పుడు అందరి దృష్టి షర్మిల ప్రసంగంపైనే ఉంది. మరి చూడాలి. బాధ్యతలను స్వీకరించిన తర్వాత తిరిగి ఆమె హైదరాబాద్ కు బయలుదేరి వెళతారు.