రేపటి నుంచి ఏపీలో కాంగ్రెస్ ఆందోళన

గత ప్రభుత్వం తీసుకున్న అనాలోచిత నిర్ణయాలతో ప్రజలకు ఏం సంబంధం ?ఎక్కువ ధరకు విద్యుత్ కొనుగోలు చేస్తే పడే అదనపు భారం ప్రజల నెత్తిన మోపుతారా ? అని ఆమె ప్రశ్నించారు. 5 ఏళ్లలో వైసీపీ మోపిన భారం రూ.35వేల కోట్లు అయితే 5 నెలల్లో కూటమి భారం రూ.18 వేల కోట్లా? అంటూ నిలదీశారు. వైసీపీకి మీకు ఏంటి తేడా ? అని ప్రశ్నించారు. వైసీపీ 9సార్లు ఛార్జీలు పెంచిందని, కూటమి అధికారంలో కొస్తే ఒక్క రూపాయి కూడా ఛార్జీలు పెంచమని, అవసరం అయితే 30 శాతం తగ్గించేలా చూస్తాం అని ఎన్నికల్లో హామీ ఇచ్చారన్న విషయాన్ని మర్చిపోయి సర్దుబాటు ఛార్జీలను జనం నెత్తిన పడేస్తున్నారంటూ ధ్వజమెత్తారు. ప్రజల నుంచి ఒక్క రూపాయి కూడా అదనంగా వసూలు చేస్తే ఊరుకోమని వైఎస్ షర్మిల హెచ్చరించారు. రేపటి నుంచి మూడు రోజుల పాటు కాంగ్రెస్ పార్టీ రాష్ట్ర వ్యాప్త ఆందోళనకు సిద్ధమని వైఎస్ షర్మిల ప్రకటించారు.