Ys Sharmila : అంతటా రాంగ్ స్టెప్‌లేనా? ఫ్యూచర్ అసలు కనుచూపు మేరలో కనపడుతుందా?

అదే సమయంలో పాలేరు నుంచి పోటీ చేయాలని ఆమె భావించారు. పాలేరు అయితే తన గెలుపు సులువని ఆమె లెక్కలు వేసుకుని అక్కడ పార్టీ కార్యాలయాన్ని కూడా ప్రారంభించారు. అయితే చివరి నిమిషంలో పోటీ నుంచి విరమించుకుంటున్నట్లు ప్రకటించారు. అయితే దానికి ఆమె ఇచ్చిన వివరణ కూడా ఆమె పక్కనున్న నేతలు కూడా విశ్వసించలేదు. పొంగులేటి శ్రీనివాసరెడ్డి కోసం తాను పోటీ నుంచి విరమించుకుంటున్నానని ప్రకటించిన వైెఎస్ షర్మిల అప్పటి వరకూ ఆమె వెంట ఉన్న నేతలకు చెప్పకుండా నేరుగా ఢిల్లీ వెళ్లి కాంగ్రెస్ అగ్రనాయకత్వాన్ని కలసి తాను పార్టీని కాంగ్రెస్ లో విలీనం చేస్తానని ప్రకటించారు. దీంతో ఉన్న నేతలు కూడా పార్టీ నుంచి వెళ్లిపోయారు.

ఇక ఆ తర్వాత ఆంధ్రప్రదేశ్ రాజకీయాల్లోకి అనూహ్యంగా కాలు మోపారు. అప్పటి వరకూ తెలంగాణ బిడ్డనంటూ డైలాగులు కొట్టిన వైఎస్ షర్మిల చివరకు ఏపీికి వచ్చి తాను ఇక్కడ బిడ్డనేనంటూ జనంలోకి వెళ్లే ప్రయత్నం చేశారు. కాంగ్రెస్ అధినాయకత్వం కూడా సరైన నాయకత్వం లేక పార్టీ బాధ్యతలను వైఎస్ షర్మిలకు అప్పగించింది. 2014లో కాంగ్రెస్ రాష్ట్ర విభజన చేసిన తర్వాత ఏపీలో కాంగ్రెస్ పూర్తిగా పతనమయింది. 2014 నుంచి మూడు ఎన్నికల్లో కాంగ్రెస్ పార్టీ శాసనసభలోకి అడుగుపెట్టలేదు. అంటే ఇంత వరకూ గత పదేళ్ల నుంచి కాంగ్రెస్ ను ప్రజలు ఆదరించలేదు. కాంగ్రెస్ తో జత కట్టిన కమ్యునిస్టులు కూడా ఒక్క సీటును సాధించలేక చతికలపడ్డారు. అలా కాంగ్రెస్ తో దోస్తీ అంటేనే మిగిలిన పక్షాలు భయపడే పరిస్థిితి ఏర్పడింది.

ిఇక 2029 ఎన్నికల వరకూ వెయిట్ చేయాల్సి ఉంటుంది. అప్పటికీ కాంగ్రెస్ కోలుకుంటుందన్న నమ్మకం లేదు. ఎందుకంటే ఏపీ రాజకీయాల్లో టీడీపీ, వైసీపీ తప్ప మరొక పార్టీకి అవకాశం లేదు. ఇతర పార్టీలు ఆ రెండు పార్టీలతో పొత్తు పెట్టుకుంటే తప్ప అసెంబ్లీలో అడుగు పెట్టలేని పరిస్థితి. ఈ పరిస్థితుల్లో వైఎస్ షర్మిల సాధించేదేముంటుందన్న ప్రశ్నకు మాత్రం సమాధానం దొరకడం లేదు. కేంద్రంలో కాంగ్రెస్ అధికారంలోకి వస్తే ఏదో ఒక పదవి అయినా వచ్చే అవకాశముంది. అదీ కూడా లేదు. 2029 వరకూ వెయిట్ చేయాల్సిందే. అందుకే వైఎస్ షర్మిల రాజకీయంగా వేసిన అడుగులన్నీ వృధాయేనన్నది వాస్తవం. ఎంతగా ప్రజల్లోకి వెళ్లాలనుకున్నా సమస్యలపై పోరాటాలు చేసినా ఏపీలో కాంగ్రెస్ కు ఇప్పట్లో కాలం కలసి రాదన్నది వాస్తవం. మరి షర్మిల ప్రయత్నాలు ఎందుకో మరి?