జగన్ కు భయపడి వెళ్లలేదు.. ఆ ప్రచారంలో వాస్తవం లేదు

ఆ ప్రచారాన్ని చూసిన తర్వాత తనకు మానసిక వేదన కలుగుతుందన్న వైఎస్ విజయమ్మ దానికి తాను సమాధానం చెప్పకపోతే ప్రజలు దానిని నిజం అనుకుని నమ్మే అవకాశముందని వైఎస్ విజయమ్మ తెలిపారు. ప్రజలకు నిజం తెలియాలనే ఈ బహిరంగ లేఖ రాస్తున్నానని తెలిపారు. ఎప్పుడో జరిగిన రోడ్డు ప్రమాదాన్ని తన కుమారుడికి ముడిపెట్టి ప్రచారం చేయడం అత్యంత విచారకరమన్న వైఎస్ విజయమ్మ, అమెరికాలో ఉన్న తన మనవడి దగ్గరకు తాను వెళ్లానని, జగన్ కు భయపడి వెళ్లలేదని ఆమె వివరణ ఇచ్చారు. ఇకనైనా ఇలాంటి ప్రచారాలను ఆపితే బాగుంటుందని, లేకుంటే తాము సహించబబోనని హెచ్చరించారు.