Vijayawada : ఏమయ్యా జగనూ.. స్పృహ ఉండే మాట్లాడుతున్నావా? ఇంతమందికి సాయం మోదీ వల్ల కూడా కాదు

అద్దాల మేడలో ఉన్నవారి పై రాళ్లు వేయడం ఎవరికైనా సులభం. కానీ వెంటనే నష్టం జరిగేది ఆ భవన యజమానికే. రాయి వేసిన ఆకతాయికి ఆనందం మాత్రం మిగులుతుంది. ఇప్పుడు అధికార పార్టీపై కూడా విమర్శలు చేయడం సులువే. కానీ వాటి సాధ్యాసాధ్యాలను గురించి ముందుగా స్టడీ చేసి ఆలోచిస్తే ఇలాంటి వ్యాఖ్యలు చేయరు. వైసీపీ అధినేత జగన్ ముందు అది నేర్చుకోవాల్సి ఉంటుంది. రాజకీయంగా విమర్శలు చేయడం సహజమే. కానీ తాను ముఖ్యమంత్రిగా ఉన్నప్పుడు బాధితులకు నష్టపరిహారం ఇచ్చానని, ఇప్పుడు చంద్రబాబు ఎందుకివ్వరని ఆయన ప్రశ్నించారు. పరిహారాన్ని తాను పునరావాస కేంద్రం నుంచి వెళ్లేటప్పుడే ముట్టచెప్పానని, ఇప్పుడు తక్కువ పునరావాస కేంద్రాలను ఏర్పాటు చేయడమేంటని ప్రశ్నించారు.