Narnedra Modi : పెద్దిరెడ్డికి పక్కా ట్రీట్ మెంట్ ఇస్తామన్న నరేంద్ర మోదీ

వైసీపీ హయాంలోనే అన్నమయ్య డ్యాం కొట్టుకుపోయిందన్న మోదీ రాయలసీమలో సాగునీటి ప్రాజెక్టులు లేవని, యువత ఉపాధి దొరకక ఇతర ప్రాంతాలకు వలస పోతున్నారన్నారు. ఈ పరిస్థితి మారాలంటే ఇక్కడ కూటమి ప్రభుత్వం ఏర్పడాలని ఆయన ఆకాంక్షించారు. ఐదేళ్లుగా ఆంధ్రప్రదేశ్ లో అభివృద్ధి ఏమీ లేదని నరేంద్ర మోదీ అన్నారు. రాయలసీమలోచైతన్య వంతులైన యువత ఉన్నారని, వారికి ఉపాధి అవకాశాలు కల్పించడమే తమ ప్రభుత్వ లక్ష్యమని అన్నారు. ఎన్డీఏ ప్రభుత్వం వస్తేనే సాగునీటి ప్రాజెక్టులను త్వరితగతిన పూర్తి చేస్తామని తెలిపారు.

అన్ని గ్రామాలకు రక్షిత తాగునీరు అందిస్తామని చెప్పారు. కాంగ్రెస్ అధికారంలోకి వస్తే మళ్లీ 370 ఆర్టికల్ ను మళ్లీ తీసుకువస్తామని చెబుతుందని, తెల్లవాళ్లు, నల్లవాళ్లు అనే ఆలోచనలతోనే కాంగ్రెస్ నేతలున్నారన్నారు. అధికారం కోసంఆ పార్టీ దేశాన్ని విభించాలని అనుకుంటుందోని అన్నారు. దక్షిణాదిలోనూ తాము బుల్లెట్ ట్రైయిన్ ను ప్రవేశెపెడతామని తెలిపారు. నంద్యాల - ఎర్రకుంట రైల్వే లైను పనులు పూర్తయ్యాయని, కడప విమానాశ్రయం కొత్త టెర్మినల్ నిర్మాణంలో ఉందని తెలిపారు. రానున్న ఐదేళ్ల కాలంలో మౌలిక సదుపాయాలను మరింత కల్పించి సీమ ప్రాంతాన్ని అభివృద్ధి చేస్తామని తెలిపారు. రైతుల జీవితాలను కూడా తమ ప్రభుత్వమే మారుస్తుందని తెలిపారు. పోలవరం ప్రాజెక్టను కూడా ఈ ప్రభుత్వం పూర్తి చేయలేకపోయిందన్నారు.