భారత్ దూకుడైన ఆటపై రవి శాస్త్రి కీలక వ్యాఖ్యలు
కోహ్లీ 2022లో భారత్ తరఫున కేవలం 4 టీ20లు మాత్రమే ఆడాడు. రాహుల్ 2022లో టీ20ల్లో భారత్ తరఫున ఒక్క మ్యాచ్ కూడా
గతేడాది టీ20 వరల్డ్ కప్ లో పేలవమైన ప్రదర్శన తర్వాత భారత జట్టు ఆటతీరులో చాలా మార్పులు వచ్చాయి. టీ20లలో చాలా బలమైన జట్టుగా భారత్ ఎదుగుతూ ఉంది. ఇటీవలి కాలంలో భారత్ ఆడుతున్న తీరును చూస్తే మనకు స్పష్టంగా ఆ విషయం తెలుస్తుంది. టీ20 క్రికెట్‌లో ప్రస్తుతం అత్యంత ప్రమాదకరంగా కనిపిస్తున్న భారత్ కు ముఖ్యంగా ఎగ్రెసివ్ ఆటతీరు ఇప్పటి వరకు సత్ఫలితాలనే ఇచ్చింది. కోహ్లీ కెప్టెన్‌గా ఉన్నప్పుడు భారత జట్టు ఆటతీరు ఇలా ఉండేది కాదని అప్పటి కోచ్ రవిశాస్త్రి కూడా అంగీకరించాడు. తను కోచ్‌గా ఉన్నప్పుడు కూడా భారత టాపార్డర్ మెతకగా ఉందని అనుకునే వాళ్లమని, ప్రస్తుతం ఉన్న ఎగ్రెసివ్ ఆటతీరునే భారత్ కొనసాగించాలని రవిశాస్త్రి సూచించాడు. టీ20 ఇంటర్నేషనల్ క్రికెట్‌కు రోహిత్ శర్మ నేతృత్వంలోని టీమిండియా కొత్త అటాకింగ్ విధానం సరైనదని రవిశాస్త్రి అన్నాడు. రోహిత్-ద్రావిడ్ యుగంలో మెన్ ఇన్ బ్లూ T20I క్రికెట్‌లో కొత్త బ్రాండ్ క్రికెట్‌ను ఆడుతున్నారన్నారు. భారతదేశం దూకుడుగా బ్యాటింగ్ విధానాన్ని అవలంబించడం వారికి చాలా ప్రయోజనం చేకూర్చిందన్నారు.
