BiggBoss 6 Day 44 : హౌస్ మేట్స్ ను వెళ్లిపోమన్న బిగ్ బాస్.. ఈ వారం కెప్టెన్సీ టాస్క్ రద్దు
కంటెస్టంట్స్ ని టాలీవుడ్ ఫాంటసీ, టాలీవుడ్ డైనమైట్ లుగా విభజించారు. డైనమైట్‌లో గీతూ, రోహిత్‌, మెరీనా, అర్జున్‌, రాజ్‌..
బిగ్ బాస్ సీజన్ 6 ప్రేక్షకులను ఊహించినంతగా అలరించడం లేదు. నామినేషన్స్ ఎపిసోడ్, వీకెండ్ ఎపిసోడ్స్ మినహా మిగతా రోజుల్లో బిగ్ బాస్ హౌస్ లో ఎంటర్టైన్ మెంట్ ఉండట్లేదు. ఈ వారం కెప్టెన్సీ టాస్క్ లో భాగంగా.. హౌస్ మేట్స్ కి ఒక్కో సెలబ్రిటీ గెటప్స్ వేసుకుని యాక్ట్ చేయమని చెప్పాడు బిగ్ బాస్. ఈ టాస్క్ లో భాగంగా కంటెస్టెంట్స్ కి ఒక్కో హీరో, హీరోయిన్ పాత్రని ఇచ్చారు. సూర్యకి పుష్ప పాత్రని, గీతూకి శ్రీవల్లి పాత్రని, శ్రీహాన్‌కి చెన్నకేశవరెడ్డి, ఫైమాకి అరుంధతి, మెరీనాకి మిత్రవింద, వాసంతికి బొమ్మరిల్లులోని హాసిని, శ్రీ సత్యకి ఫిదాలోని భానుమతి, రాజ్‌కి చత్రపతిలోని ప్రభాస్‌, అర్జున్‌కి టెంపర్‌లో దయా, కీర్తికి ఒసేయ్ రాములమ్మ, రోహిత్‌కి మగధీర లోని కాళభైరవ, ఇనయకి జగదేక వీరుడు అతిలోక సుందరిలోని ఇంద్రజ పాత్రని, ఆదిరెడ్డికి కూలి నెంబర్‌ 1, బాలాదిత్య భీమ్లా నాయక్‌ పాత్రని ఇచ్చారు.
