Ambassador Car : ఈ కారు ఖరీదు.. కరెంటు బిల్లుకంటే తక్కువే.. ఎప్పుడంటే

ముందుభాగాన డ్రైవర్ తో పాటు ఇద్దరు, వెనక భాగాన ముగ్గురు కూర్చుని సుఖవంతమైన ప్రయాణం చేసే వారు. వెనక లగేజీ కూడా పెట్టుకునేందుకు స్సేస్ కావాల్సినంత ఉండేది. అప్పట్లో ఫియట్ వంటి కంపెనీల కార్లున్నా ఎక్కువగా రోడ్లమీద కన్పించేది ఈ కార్లు మాత్రమే. ఎక్కువ మైలేజీతో పాటు తక్కువ ఖర్చుతో మరమ్మతులు చేసుకునే వీలుండటంతో ఎక్కువ మంది అంబాసిడర్ కార్లను కొనుగోలు చేేసే వారు. ఇప్పటికీ హైదరాబాద్ నగరంలో పాత అంబాసిడర్ కార్లను రోడ్లపైకి తిప్పుతూ వింటేజ్ కార్ల తరహాలో అందరికీ చూపిస్తారు. అవును ఆ కారులో ఏసీతో పాటు వేగంగా ప్రయాణించే సౌకర్యం ఉండటంతో ఇష్టపడి అంబాసిడర్ ను కొనుగోలు చేసే వారు.

కానీ 1964లో ఆ కారు ధర ఎంతో తెలుసా? కేవలం 16,495 రూపాయలు. అవును ఇది నిజం. ఇప్పుడు ఒక మోస్తరు ఇంటికి వేసవిలో వచ్చే కరెంట్ బిల్లు అంత. నమ్మినా నమ్మకపోయినా అంతే. అయితే ఈ కారుకు సంబంధించిన ఇన్వాయిస్ బిల్ ఒకటి బయటకు వచ్చింది. మద్రాస్ కు చెందిన గుప్తాస్ కు చెందిన ఈ కారును 16,495 రూపాయలకు కొనుగోలు చేసినట్లు ఇన్‌వాయిస్ లో పేర్కొన్నారు. అయితే వీటి ఉత్పత్తిని హిందూస్థాన్ మోటార్స్ రెండు దశాబ్దాల క్రితం ఆపేసింది. ఇప్పుడు ఆటో గేర్లు, అంతకంటే సౌకర్యవంతమైన కార్లు వివిధ రంగుల్లో వస్తుండటంతో ఈ కార్ల తయారీని ఆపేశారు. అయినా సరే నాటి జనరేషన్ కు మాత్రం అంబాసిడర్ కారు గుర్తుండి ఉంటుంది. కారు 2014 నాటికి నాలుగు లక్షల రూపాయలకు చివరిసారిగా అమ్మినట్లు చెబుతున్నారు. ఇప్పుడు ఈ బిల్లు సోషల్ మీడియాలో వైరల్ అయింది.