బీమా కంపెనీపై ఫిర్యాదు చేయాలా..? ఐఆర్‌డీఏఐ 'బీమా భరోసా పోర్టల్'

ఈ ఆన్‌లైన్ పోర్టల్‌లో బీమా పాలసీదారులు బీమా కంపెనీపై తమ ఫిర్యాదులను నమోదు చేసుకోవచ్చు. ఈ పోర్టల్ 2015లో ప్రారంభించింది. అయితే ఈ పోర్టల్‌లో పాలసీదారులు అనుకూలమైన పద్ధతిలో ఫిర్యాదులను నమోదు చేసుకోవచ్చు. బీమా కంపెనీ పేరు, ఫిర్యాదు రకం, సమస్య తెలిపి ఫిర్యాదు చేయవచ్చు. ఈ పోర్టల్‌లో పాలసీ డాక్యుమెంట్ లేదా ఫిర్యాదుకు మద్దతుగా బీమా కంపెనీ పంపిన లెటర్ వంటి పత్రాలను అప్‌లోడ్ చేసే సౌకర్యం కూడా ఉంది. ఫిర్యాదు నమోదు చేసిన తర్వాత అది సంబంధిత బీమా కంపెనీకి పంపిస్తారు. సంస్థ స్పందించేందుకు 15 రోజుల గడువు ఉంటుంది. ఫిర్యాదును 15 రోజుల్లోగా పరిష్కరించకపోతే విషయం ఐఆర్‌డీఏఐకి తిరిగి వస్తుంది. బీమా కంపెనీ ఫిర్యాదుల పరిష్కార ప్రక్రియను పాటించకపోతే ఐఆర్‌డీఏఐ వారిపై జరిమానాలు విధించడం, కంపెనీ లైసెన్స్‌ను కూడా రద్దు చేయడం వంటి చర్యలు తీసుకోవచ్చు.

ముందుగా మీరు కంపెనీ ఫిర్యాదుల పరిష్కార విభాగాన్ని సంప్రదించవచ్చు. బీమా పోర్టల్‌లోనే అన్ని బీమా కంపెనీల ఫిర్యాదుల పరిష్కార అధికారుల ఇ-మెయిల్ IDలు అందుబాటులో ఉన్నాయి.

ఫిర్యాదు రెండు వారాల్లోగా పరిష్కరించబడకపోతే లేదా మీరు దానితో సంతృప్తి చెందకపోతే మీరు ఐఆర్‌డీఏఐ పాలసీ హోల్డర్ ప్రొటెక్షన్, గ్రీవెన్స్ రిడ్రెసల్ డివిజన్ ఫిర్యాదుల పరిష్కార విభాగాన్ని సంప్రదించుకునేందుకు అవకాశం ఉంటుంది. దీని కోసం టోల్ ఫ్రీ నంబర్‌కు కాల్ కూడా చేసుకోవచ్చు.155255 లేదా ఇ-మెయిల్‌కి ఫిర్యాదులు@irdai.gov.inకు చేయవచ్చు. కాగా, అయితే మీరు పోర్టల్‌లో ఫిర్యాదు విజయవంతంగా నమోదు అయిన తర్వాత టోకెన్ నంబర్ అందించడం జరుగుతుంది. ఆ టోకెన్ నంబర్‌ని ఉపయోగించి కూడా మీరు చేసిన ఫిర్యాదుపై ఎలాంటి చర్యలు తీసుకుంటున్నారు అనే విషయాన్ని కూడా తెలుసుకునే సౌకర్యం ఉంటుంది.