కేంద్రం గుడ్‌న్యూస్‌.. రైతుల కోసం ప్రత్యేక డ్రైవ్‌.. రూ.3 లక్షల రుణం

కేంద్రంలోని మోడీ సర్కార్‌ రకరకాల పథకాలను అమలు చేస్తోంది. ఇక రైతుల కోసం ప్రత్యేక స్కీమ్‌లను అందుబాటులోకి తీసుకుస్తోంది. రైతులకు వ్యవసాయంలో చేదోడు వాదోడుగా ఉండేందుకు ఆర్థిక సదుపాయాలను కల్పిస్తోంది మోడీ ప్రభుత్వం. రైతుల ఆదాయాన్ని పెంచుకునేందుకు అవకాశం కల్పిస్తోంది. ఇక రైతుల కోసం అందించే కిసాన్‌ క్రెడిట్‌ కార్డు ద్వారా చాలా ప్రయోజనాలు ఉన్నాయి. ఈ కార్డు పొందిన రైతులు బ్యాంకు నుంచి సులభంగా రుణాలు పొందేందుకు ఆస్కారం ఉంటుంది. అయితే రైతులకు ఈ కిసాన్‌ క్రెడిట్‌ కార్డు ఉండటం చాలా ముఖ్యం. దీని ద్వారా బ్యాంకు నుంచి రుణాలు పొందడం సులభతరం అవుతుంది. అయితే ఇప్పుడు కిసాన్‌ క్రెడిట్‌ కార్డు (KCC) పొందని రైతులు ఎలాంటి ఆందోళన చెందాల్సిన అవసరం లేదు. దరఖాస్తు చేసుకున్నన 14 రోజుల్లోగా కార్డు పొందవచ్చు. ఇందు కోసం కేంద్ర ప్రభుత్వం ఓ ప్రత్యేక డ్రైవ్‌ చేపట్టింది. తక్కువ సమయంలోనే కార్డు పొందేందుకు మోడీ ప్రభుత్వం మిషన్ మోడ్‌లో కేసీసీ సాచురేషన్ డ్రైవ్ అనే పేరుతో ప్రచార డ్రైవ్‌ చేపట్టింది. ఇందులో భాగంగా అర్హులైన రైతులు కిసాన్‌ క్రెడిట్‌ కార్డును పొందవచ్చు.

కిసాన్‌ క్రెడిట్‌ కార్డు అంటే ఏమిటి?

కిసాన్‌ క్రెడిట్‌ కార్డు అనేది కేంద్ర ప్రభుత్వం ప్రత్యేకంగా అమలు చేస్తున్న ఓ పథకం. దీని కింద అర్హులైన రైతుల పేరిట కేసీసీ కార్డును పొందవచ్చు.ఈ కార్డుపై రైతులు చౌక ధరలకు రుణాలు పొందవచ్చు. గరిష్టంగా రూ.3 లక్షల వరకు రుణం తీసుకోవచ్చు. ఇందుకోసం రైతు సోదరుడు 4 శాతం వడ్డీ చెల్లించాల్సి ఉంటుంది. అయితే రైతులు సకాలంలో రుణం చెల్లిస్తే 3 శాతం సబ్సిడీ లభిస్తుంది. అదే సమయంలో ఒక రైతు కేసీసీలో రూ.1.60 లక్షల వరకు రుణాన్ని సులభంగా పొందవచ్చు. దీని కోసం రైతు తాకట్టు చెల్లించాల్సిన అవసరం లేదు.

రైతు సోదరులు పశుపోషణ, చేపల పెంపకం లేదా వ్యవసాయానికి సంబంధించిన ఏదైనా వ్యాపారాన్ని ప్రారంభించాలనుకుంటే, వారు కేసీసీ నుండి రుణం తీసుకోవచ్చు. ఇది ఒక రకమైన స్వల్పకాలిక రుణం. రైతు సోదరుడి పత్రాలన్నీ సరైనవని తేలితే, కేవలం 14 రోజుల్లో బ్యాంకు కార్డును జారీ చేయాల్సి ఉంటుంది. అయితే, ఈ నెల 1వ తేదీ నుంచి కేంద్ర ప్రభుత్వం చేపట్టిన కేసీసీ సాచురేషన్ డ్రైవ్ ప్రచార కార్యక్రమం ఈ నెల మొత్తం కొనసాగనుంది. అక్టోబరు 31న కూడా రైతు సోదరులు కేసీసీని క్యాంపెయిన్‌లో పొందేందుకు పత్రాలు సమర్పిస్తే, బ్యాంకు వారు కార్డును తయారు చేసి నవంబర్ 14వ తేదీలోగా వారికి అందజేస్తారు.

బ్యాంకు నుంచి రుణం

కేసీసీ కింద రుణాలు తీసుకునే రైతులకు ఇప్పుడు పశుపోషణ, చేపల పెంపకంపై వడ్డీపై రాయితీ లభిస్తుంది. ఇందుకోసం రాష్ట్ర ప్రభుత్వం రైతులపై ప్రత్యేక దృష్టి సారించాలని కోరారు. కానీ చేపల పెంపకం, పశుపోషణకు రూ.3 లక్షలకు బదులు రూ.2 లక్షలు మాత్రమే రుణం లభిస్తుంది. మీరు 14 రోజుల్లోపు కిసాన్ క్రెడిట్ కార్డ్‌ని పొందాలనుకుంటే, మీరు దాని కోసం త్వరగా దరఖాస్తు చేసుకోవాలి. దరఖాస్తు చేస్తున్నప్పుడు బ్యాంక్ మీ నుండి పత్రాలను మాత్రమే అడుగుతుంది. వ్యవసాయ పత్రాలు, నివాస ధృవీకరణ పత్రం, ఆధార్‌, పాన్‌ కార్డు తదితర పత్రాలు సమర్పించాల్సి ఉంటుంది.