మిత్రమా.. సెప్టెంబర్‌ 30 దగ్గర పడుతోంది

అయితే చిన్న పొదుపు పథకాలు బాగా ప్రాచుర్యం పొందుతున్నాయన్న విషయం అందరికి తెలిసిందే. ఇంతకు ముందు పథకాలను పొందేందుకు ఆధార్ కార్డు తప్పనిసరి అయ్యేది కాదు. చాలా మంది ఆధార్‌ ను సమర్పించకుండానే పథకాన్ని ప్రారంభించారు. ఆధార్, పాన్‌ను సమర్పించడం ఇప్పుడు తప్పనిసరి. మార్చి 31, 2023న కేంద్ర ఆర్థిక మంత్రిత్వ శాఖ జారీ చేసిన నోటిఫికేషన్ ప్రకారం.. పీపీఎఫ్‌, ఎన్‌ఎస్‌సీ, ఇతర చిన్న పొదుపు పథకాల కోసం ఆధార్ కార్డు, పాన్‌ కార్డు లను తప్పనిసరిగ్గా సమర్పించాలని సూచించింది. అయితే ఈ కొత్త స్కీమ్ కోరుకునే వారు మాత్రమే కాకుండా, ఇప్పటికే ఆ పథకాలు చేసిన వారు కూడా ఆధార్ కార్డు, పాన్‌ కార్డు తప్పకుండా సమర్పించాల్సి ఉంటుంది. సెప్టెంబర్ 30వ తేదీలోగా మీరు పథకం అందుకున్న పోస్టాఫీసు లేదా బ్యాంకు శాఖ కార్యాలయానికి వెళ్లి ఆధార్ నంబర్‌ను అందించాలి.

చిన్న మొత్తాల పొదుపు పథకాలకు ఆధార్, పాన్ నంబర్ ఇవ్వకపోతే పెట్టుబడి ఆగిపోతుంది. అంటే ఈ పథకాలలో పెట్టుబడి పెట్టిన మీ డబ్బు స్తంభింపజేయబడుతుంది. మీరు దానిని ఉపసంహరించుకోలేరు. వడ్డీ డబ్బులు కూడా జమ కావు. మీరు పథకాలలో డబ్బును డిపాజిట్ చేయడానికి కూడా పరిమితం చేయబడ్డారు.