రూ.2000 నోట్ల కోసం రూ.1,300 కోట్ల ఖర్చు- ఆర్బీఐ కీలక నివేదిక

పెద్ద నోట్ల ఉపసంహరణ సెప్టెంబర్‌ 30తో ముగియనుంది. 2016లో రూ.500, రూ.1000 నోట్లను రద్దు చేసిన తర్వాత ప్రభుత్వం రూ.2000 నోట్లను ముద్రించింది. ఇప్పుడు ఈ నోట్లను చలామణి నుంచి వెనక్కి తీసుకునేందుకు నిర్ణయం తీసుకుంది.ఈ నోట్లపై ప్రభుత్వం ఎంత ఖర్చు చేసిందన్న ప్రశ్నకు ఆర్బీఐ సమాధానం ఇచ్చింది. ఆర్‌టీఐ కింద రిజర్వ్‌ బ్యాంక్‌ ఆఫ్‌ ఇండియా అందించిన సమాచారం ప్రకారం.. మొత్తం రూ.7.40 లక్షల కోట్ల విలువైన 370 కోట్లకు పైగా నోట్లను తయారు చేసేందుకు ప్రభుత్వం రూ.1,300 కోట్లు ఖర్చు చేసినట్లు నివేదికలో పేర్కొంది. ఇందుకు సంబంధించి ది హిందూ బిజినెస్‌లో ప్రచురించిన నివేదికలో ఈ వివరాలు ఉన్నాయి.