WhatsApp Tips: వాట్సాప్‌లో మెసేజ్‌లను షెడ్యూల్ చేసి పంపడం ఎలా?

మనం ఏదో ఒక పనిలో బిజీగా ఉన్నప్పుడు సరైన సమయంలో వాట్సాప్‌లో అవసరమైన మెసేజ్ లేదా ఫోటో పంపడం మర్చిపోతున్నామనే భావన ఉంటుంది. అయితే ఈ టెన్షన్‌కి ఓ పరిష్కారం ఉంది. అంటే షెడ్యూల్ ఉంచుకోవడం. WhatsAppలో సందేశాలను షెడ్యూల్ చేయడమే. Gmail లేదా ఏదైనా ఇతర సందేశ సేవ వంటి చాలా యాప్‌లు సందేశాలు షెడ్యూల్‌ చేసుకునే ఆప్షన్‌ ఉంటుంది. అయితే వాట్సాప్ ఇంకా ఈ ఆప్షన్‌ను విడుదల చేయలేదు. అయితే, దీనికి ఒక ఉపాయం ఉంది. ఇలా చేయడం ద్వారా మీరు ఏదైనా షెడ్యూల్‌లో సందేశాలను పంపవచ్చు.

దీని కోసం మీరు SKEDit అనే థర్డ్ పార్టీ యాప్‌ని ఇన్‌స్టాల్ చేసుకోవాలి. ఈ యాప్ ఏదైనా WhatsApp సందేశాలను షెడ్యూల్ చేయడానికి సహాయపడుతుంది. యాప్‌ను డౌన్‌లోడ్ చేసి, అక్కడ పంపాల్సిన సందేశాన్ని టైప్ చేసి షెడ్యూల్ చేయండి. ఇది సరైన సమయంలో స్వయంచాలకంగా పంపబడుతుంది. ముందుగా మీరు Google Play Store నుండి SKEDit యాప్‌ని డౌన్‌లోడ్ చేసి, ఇన్‌స్టాల్ చేసుకోవాలి. సైన్-ఇన్ ప్రక్రియను పూర్తి చేయాలి. అప్పుడు కనిపించే జాబితా నుండి WhatsApp ఎంచుకోండి. ఇప్పుడు WhatsApp ఎంపికను నొక్కండి. ఇక్కడ మీరు ఫోన్ సర్వీస్ యాక్సెస్‌ను అనుమతించాలి.

దీని తర్వాత, అప్లికేషన్‌కు తిరిగి వచ్చి, మీరు గ్రహీతల పేరును జోడించండి. ఇప్పుడు మీరు షెడ్యూల్ చేయాలనుకుంటున్న సందేశానికి తేదీ, సమయాన్ని సెట్ చేయండి. ఇలా చేస్తున్నప్పుడు మీకు 'ఆస్క్ మి బిఫోర్ సెండింగ్' అనే టోగుల్ ఆప్షన్ కూడా వస్తుంది.మీరు ఈ ఫీచర్‌ని ఉపయోగిస్తే, సందేశాన్ని పంపే ముందు ఇది మీకు నోటిఫికేషన్‌ను పంపుతుంది. మీరు దీన్ని టోగుల్ చేస్తే, మీ సందేశం షెడ్యూల్ చేసిన సమయంలో స్వయంచాలకంగా పంపబడుతుంది.

షెడ్యూల్ చేయడం ఎలా?

➦ Play Store/ App Storeకి వెళ్లి SKEDit సెర్చ్‌ చేయండి.

➦ యాప్‌ను డౌన్‌లోడ్ చేయండి

➦ Facebookని ఉపయోగించి సైన్-అప్ చేయండి లేదా కొత్త అకౌంట్‌ను క్రియేట్ చేయండి.

➦ ఇప్పుడు మీ పేరు, ఈమెయిల్, పాస్‌వర్డ్‌ను ఎంటర్ చేయండి. ‘Account Create’ క్లిక్ చేయండి.

➦ మీరు మీ ఈమెయిల్‌లో కోడ్‌ను యాడ్ చేసిన ద్వారా మీ ఈమెయిల్ ఐడిని ధృవీకరించాలి.

➦ ధృవీకరణ తర్వాత, మీరు ‘Add services’ పేజీని చూస్తారు. వాట్సాప్‌పై క్లిక్ చేయండి.

➦ SKEDit కోసం accessibility అనుమతిని ప్రారంభించండి.

➦ మీరు మెసేజ్ షెడ్యూల్ చేయాలనుకున్న WhatsApp కాంటాక్టులను ఎంచుకోండి.

➦ అన్ని వివరాలు, తేదీ, సమయం, షెడ్యూల్‌ను యాడ్ చేయండి.

➦ షెడ్యూల్ చేసిన రోజున మీ కాంటాక్టులకు మెసేజ్ పంపుకోవచ్చు.

➦ మీరు షెడ్యూల్ చేసిన తేదీలో మెసేజ్ రివ్యూ ‘Ask me before sending’ని కూడా ప్రారంభించవచ్చు.

➦ మెసేజ్ పంపేందుకు అనుమతిని అడగడానికి యాప్ మీకు నోటిఫికేషన్‌ను పంపుతుంది.

➦ మీరు అవసరమైన విధంగా మెసేజ్‌లను పంపవచ్చు, ఎడిట్ చేయవచ్చు లేదా డిలీట్ చేయవచ్చు.