Gold Price Today : హ్యాపీ న్యూస్ మహిళలూ.. బంగారం ధరలు భారీగా తగ్గాయ్

దేశంలో అనేక ప్రాంతాల్లో ఇదేరకమైన పరిస్థితి నెలకొంటుంది. ఎందుకంటే బంగారం ఒక సెంటిమెంట్ తో కూడినదిగా మారింది. ముఖ్యంగా దక్షిణాది ప్రాంతాల్లో బంగారాన్ని కొనుగోలు చేయడం ఒక అలవాటుగా మార్చుకున్నారు. ప్రతి చిన్న కార్యక్రమానికి, కుటుంబంలో జరిగే చిన్న పాటి కార్యక్రమాలకు కూడా బంగారం కొనుగోలు చేయడం ఒక ఫ్యాషన్ అయిపోయింది. బంగారాన్ని బహుమతిగా ఇస్తే అదొకరకమైన అనుభూతి. అందుకే బంగారం కొనుగోళ్లు ఎప్పుడూ తగ్గవు. కానీ ఇటీవల కాలంలో ధరలు విపరీతంగా పెరగడంతో బంగారం కొనుగోళ్లు గణనీయంగా తగ్గాయని జ్యుయలరీ దుకాణాల వ్యాపారులు చెబుతున్నారు.

బంగారం అంటేనే మక్కువ లేని వారు ఎవరుంటారన్న ప్రశ్నకు సమాధానం దొరకదు. ఎందుకంటే పసిడిని కొనుగోలు చేయడం హ్యాబీగా మార్చుకున్న వారు అనేక మంది ఉన్నారు. పెట్టుబడిగా కూడా అనేక మంది చూస్తున్నారు. బంగారం తమ వద్ద ఉంటే భద్రతతో పాటు భవిష్యత్ లో ఎలాంటి సమస్యలను అయినా ఎదుర్కొనే ధైర్యం వస్తుందని నమ్ముతారు. అందుకే బంగారం, వెండి వస్తువులు నిత్యం విక్రయాల్లో ముందుంటాయి. అయితే నేడు ఢిల్లీ మార్కెట్ లో బంగారం ధరలు చాలా వరకూ తగ్గాయి. నిన్న ఒక్క రోజు పది గ్రాముల బంగారం ధరపై 1300 రూపాయలు తగ్గింది. కిలో వెండి ధరపై 4,600 రూపాయలు తగ్గింది. ప్రస్తుతం మార్కెట్ లో 24 క్యారెట్ల పది గ్రాముల బంగారం ధర 81,100 రూపాయలుగా నమోదయింది. కిలో వెండి ధర 94,900 రూపాయలకు చేరుకుంది. పసిడి కొనుగోళ్లకు ఇదే మంచి సమయమని మార్కెట్ నిపుణులు చెబుతున్నారు.