ప్రభుత్వ హాస్టల్లో యువతిపై హత్యాచారం

ముంబైలో 18 ఏళ్ల కాలేజీ విద్యార్థినిపై అత్యాచారం చేసి హత్య చేశారు. చర్ని రోడ్డులోని ప్రభుత్వ హాస్టల్‌లో చదువుతున్న విద్యార్థిని కనిపించకుండా పోయిందని పోలీసులకు సమాచారం అందింది. తీరా ఆ యువతిని ఆమె రూమ్ లోనే హత్య చేసి బయట తాళం వేసి వెళ్లిపోయారని గుర్తించారు. ఆమెపై హత్యాచారం చేసిన వ్యక్తి కూడా చనిపోయినట్లు పోలీసులు చెబుతున్నారు. దక్షిణ ముంబైలోని తన హాస్టల్ గదిలో యువతి హత్యకు గురైంది. బాలికల ప్రభుత్వ హాస్టల్‌ నాలుగో అంతస్తులో ఉన్న తన గదిలో ఆమెను చున్నీతో గొంతు బిగించి హత్య చేశారు. అనుమానితుడు, లాండ్రీ మ్యాన్‌గా, సెక్యూరిటీ గార్డుగా పనిచేస్తున్న ప్రకాష్ కనోజియా ఆత్మహత్య చేసుకున్నాడని పోలీసులు తెలిపారు. మంగళవారం ఉదయం చర్ని రోడ్ స్టేషన్ సమీపంలో రైలు పట్టాలపై అతని మృతదేహం లభ్యమైంది.