30 ఏళ్ల యువతితో 28 ఏళ్ల అబ్బాయి లవ్.. ఆటోలో ఏమి జరిగిందంటే

ఆ జంట తరచూ పలు విషయాలపై గొడవలు పడుతుండేవారని, పంచశీల తల్లిదండ్రులు దీపక్ తో ఆమె సంబంధాన్ని అంగీకరించకలేదని కూడా పోలీసులు తెలిపారు. ఆటో లోపల వారు ఎప్పటిలాగే గొడవకు దిగారు. అయితే దీపక్ తన జేబులో కట్టర్‌ని తీసి ఆమెను బెదిరించడానికి ప్రయత్నించాడు. ఆ సమయంలో గొడవ మరింత పెద్దది అవ్వడంతో ఆమె మెడపై ఒక్క వేటు వేశాడు. ఆ తర్వాత అతడు ఆటో దిగి పారిపోయాడు. తీవ్ర గాయాలతో ఆమె ఆటో నుంచి దిగి పరిగెత్తడానికి ప్రయత్నించిందని, అయితే, అక్కడే కళ్లు తిరిగి పడిపోయి మృతి చెందిందని పోలీసులు తెలిపారు. సోమవారం సాయంత్రం 4:30 గంటల ప్రాంతంలో ఈ ఘటన జరిగింది. దీపక్‌పై రక్తపు మరకలు ఉండటం గమనించారు బాటసారులు. వారు వెంటనే కంట్రోల్ రూమ్‌కు డయల్ చేసారు. సాకి నాకా నుండి పోలీసు బృందం సంఘటనా స్థలానికి చేరుకుంది. బాధితురాలిని రాజావాడి ఆసుపత్రికి తరలించగా.. మార్గమధ్యమంలోనే ఆమె మృతి చెందినట్లు వైద్యులు నిర్ధారించారు. పారిపోతున్న దీపక్ ను స్థానికులు పట్టుకుని పోలీసులకు అప్పగించారు.

దీపక్ తన ఒంటి మీద ఉన్న గాయాలను రుజువుగా చూపిస్తూ.. పంచశీల మొదట దాడి చేసిందని కట్టుకథను చెప్పాడు, అయితే ఆటోరిక్షా డ్రైవర్ సాక్షిగా మారాడు. దీపక్ చేసిన దారుణాన్ని వాంగ్మూలంగా ఇచ్చాడు. అసలు జరిగిందేమిటో బయట పెట్టాడు. దీపక్ చర్యల వెనుక ఉన్న ఖచ్చితమైన ఉద్దేశ్యం, ఆమెను కలిసేటప్పుడు కట్టర్‌ను ఎందుకు తీసుకెళ్లాడు అనేదానిని తెలుసుకోవడానికి మరింత విచారించనున్నట్లు పోలీసులు తెలిపారు. అతడిపై హత్యానేరం కింద కేసు నమోదు చేశారు. తదుపరి విచారణ జరుగుతోంది.