ఉత్తరాఖండ్ లో ఘోర రోడ్డు ప్రమాదం.. 25 మంది మృతి

లాల్‌గఢ్ కు చెందిన నందరామ్ వివాహం కోసం కుటుంబ సభ్యులు, బంధువులతో కలసి బస్సులో బయలుదేరారు. బోరాఖాల్ ప్రాంతంలని సిమ్డీ గ్రామ సమీపంలోకి వచ్చేసరికి బస్సు అదుపుతప్పి లోయలో పడింది. నదిలో పడిన బస్సులో ఎక్కువ మంది అక్కడికక్కడే మరణించారు. సహాయక చర్యలు వెంటనే చేపట్టినా ఫలితం లేకుండా పోయింది. 25 మంది మృత్యువాత పడ్డారు. దీంతో ఆ గ్రామంలో విషాదం నెలకొంది. అతివేగంతో ప్రయాణిస్తున్న బస్సు అదుపుతప్పి నదిలో పడిందని ప్రత్యక్ష సాక్షులు చెబుతున్నారు. పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాలను పోస్టుమార్టం నిమిత్తం ఆసుపత్రికి తరలించారు.